ಧಾರ್ಮಿಕ ಭಾವನೆಗೆ ಧಕ್ಕೆ ತರುವ ರೀತಿಯಲ್ಲಿ ಭಾಷಣ ಮಾಡಿದ ಆರೋಪಕ್ಕೆ ಸಂಬಂಧಿಸಿದಂತೆ ಮಾಜಿ ಕ್ರಿಕೆಟಿಗ ಹಾಗೂ ಸಂಸದ ನವಜೋತ್ ಸಿಂಗ್ ಸಿಧು ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ನರಸಿಂಗ್‌ಪುರದಲ್ಲಿ ನವೆಂಬರ್ 11ರಂದು ನಡೆದ ಬಹಿರಂಗ ಸಭೆಯಲ್ಲಿ ಪಾಲ್ಗೊಂಡಿದ್ದ ಸಿಧು, ಭಾರತೀಯ ಜನತಾ ಪಕ್ಷಕ್ಕೆ ಮತದಾನ ಕುರಿತಂತೆ ಜನರ ಧಾರ್ಮಿಕ ಭಾವನೆಗೆ ಧಕ್ಕೆ ತರುವಂತೆ ಮಾತನಾಡಿದ್ದರಿಂದ ದೂರು ದಾಖಲಿಸಿಕೊಂಡಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.
ಪಕ್ಷ ತೊರೆದಿರುವ ಮಾಜಿ ಕೇಂದ್ರ ಸಚಿವ ಪ್ರಹ್ಲಾದ್ ಪಟೇಲ್ ಹಾಗೂ ಅವರ ಸಹೋದರ, ಬಿಜೆಎಸ್ ಅಭ್ಯರ್ಥಿ ಜಲಂಸಿಂಗ್ ತವರು ಪಕ್ಷಕ್ಕೆ ಮರಳಿದರೆ ಅದು ತಾಯಿಯ ತೊಡೆ ಹತ್ತಿ ಕುಳಿತಂತೆ. ಒಂದು ವೇಳೆ ಜಲಂಸಿಂಗ್ ಬಿಜೆಎಸ್‌ನಲ್ಲಿಯೇ ಉಳಿದು ಜನ ಅವರಿಗೆ ಮತ ನೀಡಿದರೆ ಅದು ಹಂದಿ ಮಾಂಸ ತಿಂದಂತೆ ಎಂದು ವ್ಯಂಗ್ಯವಾಡಿದ್ದರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ