ಇಸ್ರೋ ಚಂದ್ರಗ್ರಹಕ್ಕೆ ಹಾರಿಬಿಟ್ಟಿರುವ ಚಂದ್ರಯಾನ-1 ಉಪಗ್ರಹ ಮಿಶನ್‌ನ ನಿರ್ದೇಶಕ ಎಂ. ಅಣ್ಣಾದುರೈ ಮತ್ತು ಟೆನಿಸ್ ಪಟು ಸಾನಿಯಾ ಮಿರ್ಜಾ ಅವರುಗಳಿಗೆ, ಡಾ| ಎಂಜಿಆರ್ ಶೈಕ್ಷಣಿಕ ಮತ್ತು ಸಂಶೋಧನಾ ವಿಶ್ವವಿದ್ಯಾನಿಲಯವು ಡಿಸೆಂಬರ್ ಆರರಂದು ನಡೆಯಲಿರುವ ತನ್ನ 17ನೆ ಘಟಿಕೋತ್ಸವದ ವೇಳೆ ಗೌರವ ಡಾಕ್ಟರೇಟ್ ಪದವಿ ನೀಡಲಿದೆ.ವಿಶ್ವವಿದ್ಯಾನಿಲಯದ ಸಿಂಡಿಕೇಟ್ ಮತ್ತು ಸೆನೆಟ್ ಮಂಡಳಿಯು ಈ ಇಬ್ಬರು ರಾಷ್ಟ್ರಕ್ಕಾಗಿ ನೀಡಿರುವ ವಿಶೇಷ ಕೊಡುಗೆಯನ್ನು ಪರಿಗಣಿಸಿ ಇವರನ್ನು ಗೌರವ ಪದವಿ ನೀಡಲು ಆಯ್ಕೆಮಾಡಿದೆ ಎಂದು ವಿಶ್ವವಿದ್ಯಾನಿಲಯದ ಕುಲಪತಿ ಎ.ಸಿ.ಶಣ್ಮುಗಂ ಸುದ್ದಿಗಾರರಿಗೆ ತಿಳಿಸಿದ್ದಾರೆ.ಇಸ್ರೋ ಅಧ್ಯಕ್ಷ ಕಸ್ತೂರಿರಂಗನ್ ಅವರು ಘಟಿಕೋತ್ಸವ ಭಾಷಣ ಮಾಡಲಿದ್ದಾರೆ. 1,439 ಯುಜಿ ಮತ್ತು 615 ಪಿಜಿ ವಿದ್ಯಾರ್ಥಿಗಳ ಘಟಿಕೋತ್ಸವದಲ್ಲಿ ಪದವಿ ಪಡೆಯಲಿದ್ದಾರೆ ಎಂದು ಅವರು ತಿಳಿಸಿದ್ದಾರೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
