ದೆಹಲಿ ವಿಧಾನಸಭಾ ಚುನಾವಣೆಯಲ್ಲಿ ಹ್ಯಾಟ್ರಿಕ್ ಗೆಲವು ಸಾಧಿಸಿರುವ ಶೀಲಾದೀಕ್ಷಿತ್ ಅವರನ್ನು ದೆಹಲಿ ಕಾಂಗ್ರೆಸ್ ಶಾಸಕಾಂಗ ಪಕ್ಷದ ನಾಯಕಿಯನ್ನಾಗಿ ಆಯ್ಕೆ ಮಾಡಿದೆ. ಶಾಸಕಾಂಗ ಪಕ್ಷವು ತನ್ನ ನಾಯಕರ ಔಪಚಾರಿಕ ಆಯ್ಕೆಗಾರಿ ಬಧವಾರ ಸಭೆಸೇರಿ ಶೀಲಾರ ಆಯ್ಕೆ ಮಾಡಿದೆ.ದೆಹಲಿಯಲ್ಲಿ ಕಾಂಗ್ರೆಸ್ ತೃತೀಯ ಬಾರಿ ಗೆಲುವು ಸಾಧಿಸಿರುವ ಕೀರ್ತಿಯನ್ನು ದೀಕ್ಷಿತ್ ಅವರಿಗೆ ಸಲ್ಲಿಸಲಾಗಿದೆ. ಕಾಂಗ್ರೆಸ್ ಗೆಲುವು ದಾಖಲಿಸುತ್ತಿರುವಂತೆ ಶೀಲಾ ಅವರೇ ಮುಖ್ಯಮಂತ್ರಿ ಎಂಬುದು ನಿಚ್ಚಳವಾಗಿದ್ದರೂ, ಔಪಚಾರಿಕವಾಗಿ ಬುಧವಾರದ ಸಭೆ ಕರೆಯಲಾಗಿತ್ತು.ದೆಹಲಿ ಪ್ರದೇಶ ಕಾಂಗ್ರೆಸ್ ಸಮಿತಿ ಕಚೇರಿಯಲ್ಲಿ ನಡೆದ ಸಭೆಯಲ್ಲಿ ಚುನಾವಣೆಯಲ್ಲಿ ಗೆದ್ದ ಎಲ್ಲಾ 42 ನೂತನ ಶಾಸಕರು ಪಾಲ್ಗೊಂಡಿದ್ದರು. ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಮೊಹ್ಸಿನಾ ಕಿದ್ವಾಯಿ ಸಭೆಯ ಅಧ್ಯಕ್ಷತೆ ವಹಿಸಿದ್ದರು. ಹಾಗೂ ಹಣಕಾಸು ಇಲಾಖೆಯ ರಾಜ್ಯ ಸಚಿವ ಪಿಕೆ ಬನ್ಸಾಲ್ ಅವರೂ ಸಭೆಯಲ್ಲಿ ಪಾಲ್ಗೊಂಡಿದ್ದರು.ಸಂಪುಟ ಖಾತೆಯ ಮೇಲೆ ಹಿಡಿತ ಸಾಧಿಸಲು ದೀಕ್ಷಿತ್ ಅವರು ತಮ್ಮ ನಿಷ್ಠಾವಂತರಿಗೆ ಖಾತೆಗಳನ್ನು ನೀಡಲಿದ್ದಾರೆ ಎಂದು ನಿರೀಕ್ಷಿಸಲಾಗಿದೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
