ದಕ್ಷಿಣ ದೆಹಲಿಯಲ್ಲಿ ನಡೆಸಲಾಗಿರುವ ಗುಂಡಿನ ಚಕಮಕಿಯ ವೇಳೆ ದೆಹಲಿ ಪೊಲೀಸರು ಉತ್ತರ ಪ್ರದೇಶದ ದರೋಡೆಕೋರ ತಂಡದ ನಾಲ್ವರನ್ನು ಬಂಧಿಸಿದ್ದಾರೆ. ಸತ್ಯ ಪ್ರಕಾಶ್ ಅಲಿಯಾಸ್ ಸತ್ತೆ ಎಂಬ ಗ್ಯಾಂಗ್‌ಸ್ಟರ್ ಎಂಟು ಮಂದಿಯೊಂದಿಗೆ ಗ್ರೀನ್ ಪಾರ್ಕ್‌ನಲ್ಲಿ ಬ್ಯಾಂಕ್ ದರೋಡೆಗೆ ಯತ್ನಿಸುತ್ತಿದ್ದು, ಪ್ರದೇಶದಲ್ಲಿರುವ ಗುರುದ್ವಾರದೊಳಗೆ ಅವಿತುಕೊಂಡಿದ್ದ ಎಂದು ತಿಳಿದು ಬಂದಿದೆ.
ಈ ದರೋಡೆಕೋರರ ತಂಡವು ಉತ್ತರ ಪ್ರದೇಶದಲ್ಲಿ ಕಾರ್ಯಾಚರಿಸುತ್ತಿತ್ತು. ತಂಡದ ಇತರ ಮಂದಿ ಕಾರೊಂದರಲ್ಲಿ ಪರಾರಿಯಾಗುವಲ್ಲಿ ಯಶಸ್ವಿಯಾಗಿದ್ದಾರೆ.
ದೆಹಲಿ ಪೊಲೀಸರು ಉತ್ತರ ಪ್ರದೇಶದ ಎಸ್‌ಟಿಎಫ್ ಸಂಯೋಜನೆಯೊಂದಿಗೆ ಈ ಗುಂಡಿನ ಚಕಮಕಿ ನಡೆಸಿದೆ. ಗ್ರಾಹಕರ ಸೋಗಿನಲ್ಲಿ ಬ್ಯಾಂಕ್ ದರೋಡೆಯ ಯೋಜನೆ ಮಾಹಿತಿ ತಿಳಿದ ಪೊಲೀಸರು ಮಫ್ತಿಯಲ್ಲಿ ದರೋಡೆಕೋರನ್ನು ಕಾಯುತ್ತಿದ್ದರು.
| 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ