ಮೊನ್ನೆಮೊನ್ನೆ ಪದ್ಮಪ್ರಶಸ್ತಿ ಗಿಟ್ಟಿಸಿಕೊಂಡ, ಬಾಲಿವುಡ್‌ನ ಪ್ರಥಮ ಪ್ಯಾಮಿಲಿಯ ಸೊಸೆಯಾಗಿರುವ ಜಗದೇಕ ಸುಂದರಿ ಐಶ್ವರ್ಯಾ ರೈ ಈ ಬಾರಿಯ ಲೋಕ ಸಭಾ ಚುನಾವಣೆಯಲ್ಲಿ ಬಿಹಾರದ ಮತದಾರರಿಗೆ ತನ್ನ ಚೆಲುವಿನ ಮಿಂಚು ಹರಿಸುತ್ತಾರಾ?ಎಲ್ಲವೂ ಸರಿಹೋದರೆ ಈ ಪ್ರಶ್ನೆಗೆ ಹೌದೆಂಬ ಉತ್ತರ ನೀಡಬಹುದು. ಸಮಾಜವಾದಿ ಪಕ್ಷದ ಬಿಹಾರ ನಾಯಕರು ಮಾಧೇಪುರ ಸ್ಥಾನದಿಂದ ಜನತಾದಳ(ಸಂಯುಕ್ತ)ದ ನಾಯಕ ಶರದ್ ಯಾದವ್ ವಿರುದ್ಧ ಸ್ಫರ್ಧಿಸುವಂತೆ ತೌಳವ ಸುಂದರಿ ಐಶ್ ಬೇಬಿಗೆ ಅಹ್ವಾನ ನೀಡಲು ಮುಂದಾಗಿದ್ದಾರೆ ಎಂದ ಪಕ್ಷದ ಅಧಿಕಾರಿಯೊಬ್ಬರು ಹೇಳಿದ್ದಾರೆ.ಈ ಕುರಿತು ಪಕ್ಷದ ಕಾರ್ಯಕರ್ತರು ಆತೀವ ಆಸಕ್ತಿ ತೋರಿ ಬೇಡಿಕೆ ಮುಂದಿರಿಸಿರುವ ಕಾರಣ ಸಂಸದೀಯ ಮಂಡಳಿಯು ಮುಲಾಯಂ ಸಿಂಗ್ ಯಾದವ್‌ರಿಗೆ ಐಶ್ವರ್ಯಾ ಹೆಸರು ಶಿಫಾರಸ್ಸು ಮಾಡಿದೆ. ಐಶ್‌ಗಾಗಿ ಪ್ರಚಾರಕ್ಕೆ ಕಾರ್ಯಕರ್ತರು ತುದಿಗಾಲಲ್ಲಿ ನಿಂತಿದ್ದರೂ, ಐಶ್ ಮನದೊಳಗೇನಿದೆ ಗೊತ್ತಾಗಿಲ್ಲ.ಮಾಧೇಪುರದಿಂದ ಐಶ್ವರ್ಯಾ ರೈ ಬಚ್ಚನ್‌ಗೆ ಟಿಕೆಟ್ ನೀಡಬೇಕು ಎಂಬುದಾಗಿ ಮುಲಾಯಂ ಅವರನ್ನು ಮನವರಿಕೆ ಮಾಡಬೇಕು ಎಂಬುದಾಗಿ ಪಕ್ಷದ ಕಾರ್ಯಕರ್ತರು ಒತ್ತಾಯಿಸಿದ್ದಾರೆ ಎಂದು ಪಕ್ಷದ ಹಿರಿಯ ನಾಯಕ ತುಳ್ಸಿ ಸಿಂಗ್ ಹೇಳಿದ್ದಾರೆ. ಸಿಂಗ್ ಅವರು ಪಕ್ಷದ ರಾಜ್ಯ ಸಂಸದೀಯ ಮಂಡಳಿಯ ಅಧ್ಯಕ್ಷರಾಗಿದ್ದಾರೆ.ಈ ಮಧ್ಯೆ, ಇದಕ್ಕೆ ಐರ್ಶ್ವರ್ಯಾ ಇಲ್ಲವೇ, ಬಚ್ಚನ್ ಕುಟುಂಬದ ಪ್ರತಿಕ್ರೆಯೆ ಏನು ಎಂಬುದು ತಿಳಿದು ಬಂದಿಲ್ಲ. ಒಂದೊಮ್ಮೆ ಐಶ್ವರ್ಯಾ ಚುನಾವಣೆಗೆ ಸ್ಫರ್ಧಿಸಿ ಗೆದ್ದರೆ, ಅತ್ತೆ ಮೇಲ್ಮನೆ, ಸೊಸೆ ಕೆಳಮನೆ! |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
