ಅಮಿತಾಬ್‌ಗೆ 'ಕ್ರಿಸ್ಟಲ್ ಅವಾರ್ಡ್'

ಡಾವೋಸ್, ಭಾನುವಾರ, 1 ಫೆಬ್ರವರಿ 2009( 19:31 IST )

ಸಿನಿಮಾ ಜಗತ್ತಿಗೆ ನೀಡಿದ ಅಮೋಘ ಸೇವೆಯನ್ನು ಪರಿಗಣಿಸಿ ಬಾಲಿವುಡ್ ದಂತಕಥೆಯಾಗಿರುವ ನಟ ಅಮಿತಾಬ್ ಬಚ್ಚನ್‌ಗೆ ವಿಶ್ವ ಆರ್ಥಿಕ ವೇದಿಕೆ ಕ್ರಿಸ್ಟಲ್ ಪ್ರಶಸ್ತಿ ನೀಡಿ ಗೌರವಿಸಿದೆ.

ಬಚ್ಚನ್ ಅವರು ಈ ಪ್ರಶಸ್ತಿಯನ್ನು ಭಾರತದ ಕುಚಿಪುಡಿ ಮತ್ತು ಭರತನಾಟ್ಯಂ ಕಲಾವಿದೆ ಮಲ್ಲಿಕಾ ಸಾರಾಭಾಯಿ ಅವರೊಂದಿಗೆ ಸ್ವೀಕರಿಸಿದರು.

ಬಚ್ಚನ್ ಮತ್ತು ಸಾರಾಭಾಯಿ ಅವರು ಈ ಪ್ರಶಸ್ತಿಯನ್ನು ಪಡೆಯುವ ಮೂಲಕ ಈ ಹಿಂದೆ 2008ರಲ್ಲಿ ಈ ಪ್ರಶಸ್ತಿಗೆ ಭಾಜನರಾದ ಅಮೆರಿಕದ ಯೊ ಯೊ ಮಾ ಮತ್ತು ಬ್ರಿಟಿಷ್ ನಟಿ ಎಮ್ಮಾ ಥಾಂಪ್ಸನ್ ಅವರ ತಂಡ ಸೇರಲಿದ್ದಾರೆ.

ಈ ಪ್ರಶಸ್ತಿಗೆ ಬಚ್ಚನ್ ಮಾತ್ರವಲ್ಲ, ಮತ್ತೊಬ್ಬ ನಟಿ ಶಬನಾ ಅಜ್ಮಿ, ಸರೂದ್ ವಾದಕ ಉಸ್ತಾದ್ ಅಮ್ಜದ್ ಅಲಿಖಾನ್, ಖ್ಯಾತ ಸಿತಾರಾ ವಾದಕ ಪಂಡಿತ ರವಿಶಂಕರ್ ಅವರ ಹೆಸರು ಕೂಡ ಕೇಳಿ ಬಂದಿದ್ದವು. ಅಲ್ಲದೇ ಚೀನಾದ ಮಾರ್ಷಲ್ ಆರ್ಟ್ ಸಿನಿಮಾ ಸ್ಟಾರ್ ಮತ್ತು ಖ್ಯಾತ ಸಂಗೀತಗಾರ ಜೋಸ್ ಆಂಟೋನಿಯೋ ಅಬರಿವು ಅವರಿಗೂ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ.