ನಗರದ ಛತ್ರಪತಿ ಶಿವಾಜಿ ಟರ್ಮಿನಸ್(ಸಿಎಸ್‌ಟಿ)ಯಲ್ಲಿ ಶನಿವಾರ ಮುಂಜಾನೆ 19ರ ಹರೆಯದ ಯುವಕನೊಬ್ಬ ದೇಶಿ ನಿರ್ಮಿತ ರಿವಾಲ್ವರ್‌ನಿಂದ ಪೊಲೀಸರೊಬ್ಬರ ಮೇಲೆ ಗುಂಡು ಹಾರಿಸಿದ್ದು, ಆರೋಪಿಯನ್ನು ವಶಕ್ಕೆ ತೆಗೆದುಕೊಂಡಿರುವುದಾಗಿ ರೈಲ್ವೆ ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ.
ಯುವಕ ಹಾರಿಸಿದ ಗುಂಡಿನಿಂದ ಯಾರು ಕೂಡ ಗಾಯಗೊಂಡಿಲ್ಲ, ಘಟನೆಗೆ ಸಂಬಂಧಿಸಿದಂತೆ ದಾದರ್ ಸ್ಲಂ ಪ್ರದೇಶದ ಅಂಬೇಡ್ಕರ್ ನಗರದ ರಾಜು ಟೋಮರ್(19)ಎಂಬಾತನನ್ನು ಪೊಲೀಸರು ವಶಕ್ಕೆ ತೆಗೆಕೊಂಡಿದ್ದಾರೆ.
ಮುಂಜಾವಿನ ತಪಾಸಣೆಯ ವೇಳೆಯಲ್ಲಿ ಅನುಮಾನಸ್ಪದವಾಗಿ ತಿರುಗುತ್ತಿದ್ದ ಯುವಕನನ್ನು ಪೊಲೀಸರು ಹಿಡಿಯಲು ಹೋದಾಗ, ಅವರತ್ತ ಗುಂಡು ಹಾರಿಸಿರುವುದಾಗಿ ಪೊಲೀಸ್ ಸಹಾಯಕ ವರಿಷ್ಠಧಾಕಾರಿ ಬಾಪು ತೋಬ್ರೆ ತಿಳಿಸಿದ್ದಾರೆ.
ಆತನಲ್ಲಿದ್ದ ದೇಶಿ ನಿರ್ಮಿಕ ರಿವಾಲ್ವರ್ ಅನ್ನು ವಶಪಡಿಸಿಕೊಂಡಿದ್ದು, ಅದರಲ್ಲಿದ್ದ ಒಂದು ಜೀವಂತ ಗುಂಡನ್ನು ತೆಗೆದುಕೊಳ್ಳಲಾಗಿದೆ. ಆದರೆ ಬಂಧಿತ ಯುವಕ ದ್ವಂದ್ವ ಹೇಳಿಕೆಗಳನ್ನು ನೀಡುತ್ತಿರುವುದಾಗಿ ಪೊಲೀಸ್ ಅಧಿಕಾರಿಗಳು ವಿವರಿಸಿದ್ದಾರೆ. ಮುಂದಿನ ತನಿಖೆಯನ್ನು ನಡೆಸಲಾಗುತ್ತಿದೆ ಎಂದು ಹೇಳಿದರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ