ಸತ್ಯಂ ಹಗರಣ ಭಾರತದ ಐಟಿ ಉದ್ಯಮಗಳನ್ನು ಬಾಧಿಸುವುದಿಲ್ಲ ಎಂದು ಹೇಳಿದ ಸರ್ಕಾರ ಪ್ರಸ್ತುತ ಹಗರಣದ ತಿರುಳನ್ನು ಪತ್ತೆ ಹಚ್ಚಲು ಸರ್ಕಾರ ತನ್ನ ಕೈಲಾದ ಪ್ರಯತ್ನವನ್ನು ಮಾಡುತ್ತಿದೆ ಎಂದು ಹೇಳಿದೆ.
ಸತ್ಯಂ ಹಗರಣದ ಬಗ್ಗೆ ಹೆಚ್ಚಿನ ಮಾಹಿತಿಗಳು ಬಹಿರಂಗಗೊಂಡಿಲ್ಲ, ಆದರೆ ಇದನ್ನು ಬಗೆಹರಿಸುವಲ್ಲಿ ಸರ್ಕಾರ ಅತ್ಯಾವಶ್ಯಕವಾದ ತನಿಖೆಗಳನ್ನು ನಡೆಸುವುದು ಎಂದು ವಿದೇಶಾಂಗ ಸಚಿವ ಪ್ರಣಬ್ ಮುಖರ್ಜಿಯವರು ಎಫ್‌ಐಸಿಸಿಯ ವಾರ್ಷಿಕ ಸಭೆಯಲ್ಲಿ ಮಾತನಾಡುತ್ತ ಹೇಳಿದರು.
ಈ ಬಗ್ಗೆ ಸರ್ಕಾರ ತನಿಖೆ ನಡೆಸುತ್ತಿದೆ ಹಾಗೂ ಸಾವಿರದಷ್ಟು ಉದ್ಯೋಗಿಗಳ ಭವಿಷ್ಯ ಹಾಗೂ ಗ್ರಾಹಕರ ವಿಶ್ವಾಸವನ್ನು ಹಿಂಪಡೆಯುವಲ್ಲಿ ಸರ್ಕಾರ ಹೆಚ್ಚಿನ ಪ್ರಯತ್ನವನ್ನು ಮಾಡುತ್ತಿದೆ ಎಂದರು.
ಸತ್ಯಂನ ಹೆಸರನ್ನು ಉಲ್ಲೇಖಿಸದ ಪ್ರಣಬ್ ಇಂತಹ ಹಗರಣಗಳಿಂದಾಗಿ ಭಾರತದ ಐಟಿ ಉದ್ಯಮವು ಕುಂಠಿತವಾಗುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ. ಯಾಕೆಂದರೆ ಅಭಿವೃದ್ದಿಶೀಲ ದೇಶಗಳೊಂದಿಗೆ ಭಾರತವು ಕೂಡ ಉತ್ತಮ ಆರ್ಥಿಕ ಸುಸ್ಥಿತಿಯೊಂದಿಗೆ ಎದ್ದು ನಿಂತಿದೆ ಎಂದು ಹೇಳಿದರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ