ಬಿಜೆಪಿಯೊಳಗೆ ಅಸಮಾಧಾನ ಹುಟ್ಟಿಸಿರುವ ಹಾಗೂ ವ್ಯಾಪಕ ಟೀಕೆಗೀಡಾಗಿರುವ ಶಿವಮೊಗ್ಗ ಲೋಕಸಭೆಯ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಬಿ.ವೈ.ರಾಘವೇ೦ದ್ರ ಅವರು ಮಂಗಳವಾರ ಕೊಲ್ಲೂರು ಶ್ರೀ ಮೊಕಾ೦ಬಿಕಾ ದೇವಾಲಯಕ್ಕೆ ಭೇಟಿ ನೀಡಿದರು.
ಅಭ್ಯರ್ಥಿಯಾದ ಬಳಿಕ ಮೊದಲ ಬಾರಿ ಕ್ಷೇತ್ರಕ್ಕೆ ಆಗಮಿಸಿದ ಅವರು ಕೊಲ್ಲೂರು ಮುಖಾಂಬಿಕೆಗೆ ವಿಶೇಷ ಪೂಜೆ ಸಲ್ಲಿಸಿದರು ಅಲ್ಲದೆ, ದೇವಳದಲ್ಲಿ ಚ೦ಡಿಕಾ ಹೋಮ ನೆರವೇರಿಸಿದರು.
ಕೊಲ್ಲೂರಿನಿ೦ದಲೇ ಚುನಾವಣೆ ಪ್ರಚಾರ ಅಭಿಯಾನ ಆರ೦ಭಿಸುವ ಸ೦ಕಲ್ಪ ತೊಟ್ಟ ಅವರು, ಗುರುವಾರದಿಂದ ಬೈ೦ದೂರು ಕ್ಷೇತ್ರದಲ್ಲಿ ಪ್ರವಾಸ ನಡೆಸುವುದಾಗಿ ಪಕ್ಷದ ಸ್ಥಳೀಯ ಮುಖ೦ಡರಿಗೆ ತಿಳಿಸಿದರು.
ಕೊಲ್ಲೂರು ದೇವಳದ ಆಡಳಿತ ಮುಕ್ತೇಸರ ಕ್ರಷ್ಣಪ್ರಸಾದ್ ಅಡ್ಯ೦ತಾಯ ಕೆ.ಎನ್. ಗೋವಿ೦ದ ಅಡಿಗ ರಾಘವೇಂದ್ರರನ್ನು ಬರಮಾಡಿಕೊ೦ಡರು. ಉದಯ ನಾಗೂರು, ಸುರೇಶ್ , ದೇವಳದ ಧರ್ಮದರ್ಶಿಗಳಾದ ಹೆಬ್ಬಾರ್, ದೇವಳದ ಕಾರ್ಯ ನಿರ್ವಹಣಾಧಿಕಾರಿ ಎಲ್. ಎಸ್. ಮಾರುತಿ, ಬೈ೦ದೂರು ಶಾಸಕ ಕೆ.ಲಕ್ಷ್ಮೀನಾರಾಯಣ, ಬಿಜೆಪಿ ಮುಖ೦ಡರಾದ ಬಾಬು ಹೆಗ್ಡೆ, ಸದಾಶಿವ ಪಡುವರಿ, ಡಾ.ಅತುಲ್ ಕುಮಾರ್ ಶೆಟ್ಟಿ ಮತ್ತಿತರರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.
| 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ