ಕಾಂಗ್ರೆಸ್ ಟಿಕೆಟ್ ಮೂಲಕ ಸ್ಫರ್ಧಿಸಿ ರಾಜಕೀಯದಲ್ಲೂ ಒಂದು ಕೈ ನೋಡುವ ಆಕಾಂಕ್ಷೆಯಿಂದಿರುವ ದಕ್ಷಿಣ ಭಾರತದ ಪ್ರಸಿದ್ಧ ಚಿತ್ರ ನಟಿ ನಗ್ಮಾಗೆ ಮುಜುಗರವಾಗುವ ಘಟನೆಯೊಂದು ಸಂಭವಿಸಿದೆ.ಸಿನಿಪ್ರಿಯರಿಗೆ ನಗ್ಮಾ ಯಾರೆಂದು ಇಂಚಿಂಚಾಗಿ ಗೊತ್ತು. ಆದರೆ ನಮ್ಮ ಕಾಂಗ್ರೆಸ್ ಮುಖಂಡ ಮಲ್ಲಿಕಾರ್ಜುನ ಖರ್ಗೆಯವರಿಗೆ ಪಾಪ ಗೊತ್ತಿಲ್ಲ. ಖರ್ಗೆಯವರು ಮಹಾರಾಷ್ಟ್ರ ಕಾಂಗ್ರೆಸ್ ಅಭ್ಯರ್ಥಿಗಳ ಪರಿಶೀಲನಾ ಸಮಿತಿಯ ಅಧ್ಯಕ್ಷ. ನಗ್ಮಮ್ಮಾ ಮುಂಬೈನಿಂದ ಲೋಕಸಭಾ ಚುನಾವಣಾ ಟಿಕೆಟ್ ಆಕಾಂಕ್ಷಿ. ನಗ್ಮಾ ಖರ್ಗೆಯವರನ್ನು ಭೇಟಿ ಮಾಡಿದ ವೇಳೆ, ನಿಮ್ಮ ಹೆಸರೇನು, ಸಾರ್ವಜನಿಕವಾಗಿ ನಿಮ್ಮ ಸಾಧನೆಗಳೇನು, ಚುನಾವಣಾ ಸ್ಫರ್ಧೆಗೆ ಅರ್ಹತೆ ಏನು ಎಂಬೆಲ್ಲ ಪ್ರಶ್ನೆಗಳನ್ನು ಖರ್ಗೆಯವರು ಸಹಜವಾಗೇ ಕೇಳಿದಾಗ 'ಕುರುಬನ ರಾಣಿ' ಕಕ್ಕಾಬಿಕ್ಕಿ. ಆದರೆ ಅಷ್ಟರಲ್ಲಿ ಮಧ್ಯಪ್ರವೇಶ ಮಾಡಿದ ಇನ್ನೋರ್ವ ಕಾಂಗ್ರೆಸ್ ಮುಖಂಡ ಕೆ.ಸಿ. ಕೊಂಡಯ್ಯ ಅವರು ನಗ್ಮಾರ ಪರಿಚಯ ಮಾಡಿಕೊಟ್ಟರಂತೆ. ನಿಜವಾಗಿಯೂ ಖರ್ಗೆಯವರಿಗೆ ನಗ್ಮಾ ಯಾರೆಂದು ಗೊತ್ತಿರಲಿಲ್ಲ. ನಾನಿವರ ಯಾವುದೇ ಸಿನಿಮಾ ನೋಡಿಲ್ಲ ಎಂದು ಖರ್ಗೆ ಪ್ರತಿಕ್ರಿಯಿಸಿದರಂತೆ.ತಮಿಳು ಚಿತ್ರರಂಗದಲ್ಲಿ ಹೆಸರು ಮಾಡಿರುವ ನಟಿ ನಗ್ಮಾ ಒಂಬತ್ತು ಭಾಷೆಗಳ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಶಿವರಾಜ್ ಕುಮಾರ್ ಜತೆ ನಟಿಸಿದ್ದ 'ಕುರುಬನ ರಾಣಿ' ಸೇರಿದಂತೆ ಕನ್ನಡ ಸಿನಿಮಾಗಳಲ್ಲೂ ನಗ್ಮಾ ನಟಿಸಿದ್ದಾರೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
