ಹೋಳಿ ಹಬ್ಬಾಚರಣೆ ವೇಳೆ ಹಣವಿತರಣೆ ಮಾಡಿ ಚುನಾವಣಾ ಆಯೋಗದ ಕೆಂಗಣ್ಣಿಗೆ ಬಿದ್ದಿರುವ ಸಮಾಜವಾದಿ ಪಕ್ಷದ ವರಿಷ್ಠ ಮುಲಾಯಂ ಸಿಂಗ್ ಯಾದವ್ ಅವರು, ಆಯೋಗದ ನೋಟೀಸಿಗೆ ಉತ್ತರಿಸಿದ್ದು, ಇದು ಹೋಳಿ ವಿಧಿವಿಧಾನವಾಗಿದೆ ಎಂದು ಹೇಳಿದ್ದಾರೆ.
ಕುಟುಂಬದ ಸಮಾರಂಭದಲ್ಲಿ ಈ ಹಣವನ್ನು ಹಂಚಲಾಗಿದೆ ಎಂದು ಹೇಳಿರುವ ಮುಲಾಯಂ ಇದೊಂದು ಹಳೆಯ ಸಂಪ್ರದಾಯ ಎಂದಿದ್ದಾರೆ. ಅಲ್ಲದೆ, ಆಯೋಗವು ತನ್ನ ಉತ್ತರದಿಂದ ತೃಪ್ತಿಹೊಂದಲಿದೆ ಎಂಬ ವಿಶ್ವಾಸವನ್ನು ಅವರು ವ್ಯಕ್ತಪಡಿಸಿದ್ದಾರೆ.
"ಆದರೆ ಉತ್ತರದಲ್ಲಿ ಸೇರಿರುವ ವಿಷಯವನ್ನು ಅವರು ವಿವರಿಸಲಿಲ್ಲ. ಈ ವಿಚಾರ ನಿಮಗೆ ಆಯೋಗದಿಂದ ತಿಳಿಯಲಿದೆ. ಈ ಸಂದರ್ಭದಲ್ಲಿ ಅದನ್ನು ಬಹಿರಂಗ ಪಡಿಸಲು ಒತ್ತಾಯಿಸಬೇಡಿ" ಎಂದು ಅವರು ನುಡಿದರು.
ಆದರೆ, ಈ ವಿವಾದದಿಂದಾಗಿ ಸಮಾಜವಾದಿ ಪಕ್ಷವು ಚರ್ಚೆಯ ಕೇಂದ್ರಬಿಂದು ಆಗಿರುವ ಕುರಿತು ಅವರು ಸಂತೋಷ ವ್ಯಕ್ತಪಡಿಸಿ ವಂದನೆಗಳನ್ನು ಸಲ್ಲಿಸಿದ್ದಾರೆ.
ರಾಜಕೀಯ ಪಕ್ಷ ಒಂದಕ್ಕೆ ಚರ್ಚಾ(ಚರ್ಚೆ), ಖರ್ಚಾ(ವೆಚ್ಚ) ಮತ್ತು ಪರ್ಚಾ(ಪತ್ರಿಕೆಗಳು) ಬಹಳ ಪ್ರಮುಖವಾದುದು. ಇವೆಲ್ಲವುಗಳನ್ನು ಹೊರತುಪಡಿಸಿದರೆ ನಾಯಕನೊಬ್ಬ ರಾಜಕೀಯದಲ್ಲಿ ಬದುಕಲಾರ. ಈ ಎಲ್ಲಾ ವಿವಾದಿಂದಾಗಿ ನಮ್ಮ ಪಕ್ಷವು ಚರ್ಚೆಯ ವಿಷಯವಾಗಿರುವುದಕ್ಕೆ ತನಗೆ ಅತೀವ ಸಂತೋಷವಾಗಿದೆ ಎಂದು ಮುಲಾಯಂ ಹೇಳಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ