ಎನ್‌ಡಿಎಯ ಪ್ರಧಾನಿ ಅಭ್ಯರ್ಥಿ ಎಲ್.ಕೆ. ಆಡ್ವಾಣಿ ಅವರೇ ಹೊರತು ಗುಜರಾತ್ ಮುಖ್ಯಮಂತ್ರಿ ನರೇಂದ್ರ ಮೋದಿ ಅಲ್ಲ ಎಂಬುದಾಗಿ ಎನ್‌ಡಿಎಯ ಮಿತ್ರಪಕ್ಷ ಜೆಡಿಯು ನಾಯಕ ನಿತೀಶ್ ಕುಮಾರ್ ಬುಧವಾರ ಹೇಳಿದ್ದಾರೆ.
ಆಡ್ವಾಣಿ ಪ್ರಧಾನಿಯಾದರೆ ಮಾತ್ರ ತಮ್ಮ ಪಕ್ಷ ಎನ್‌ಡಿಎಯನ್ನು ಬೆಂಬಲಿಸುತ್ತದೆ ಎಂದು ಸ್ಪಷ್ಟಪಡಿಸಿರುವ ಅವರು ಮೋದಿಯವರಿಗೆ ನಮ್ಮ ವೋಟ್ ಇಲ್ಲ ಎಂಬುದಾಗಿ ದೃಢಪಡಿಸಿದ್ದಾರೆ.
"ನಾವು ಆಡ್ವಾಣಿ ಅವರಿಗೆ ಮಾತ್ರ ವೋಟ್ ಮಾಡುತ್ತೇವೆ. ಆಡ್ವಾಣಿ ಹೊರತು ಪಡಿಸಿದರೆ ಇತರರು ನಮಗೆ ತಿಳಿದಿಲ್ಲ" ಎಂಬುದಾಗಿ ಪಾಟ್ನಾದಲ್ಲಿ ಸುದ್ದಿಗಾರರ ಪ್ರಶ್ನೆಗೆ ಉತ್ತರಿಸಿದ ಬಿಹಾರದ ಮುಖ್ಯಮಂತ್ರಿ ನುಡಿದರು.
ಮೋದಿ ಅವರನ್ನು ಆಡ್ವಾಣಿಯವರ ಉತ್ತರಾಧಿಕಾರಿಯಾಗಿ ಬಿಜೆಪಿಯು ಬಿಂಬಿಸುತ್ತಿರುವ ಹೊತ್ತಿನಲ್ಲೇ ನಿತೀಶ್ ಅವರ ಈ ಹೇಳಿಕೆ ಹೊರಬಿದ್ದಿದೆ.
ಬಿಜೆಪಿ ನಾಯಕರಾದ ಅರುಣ್ ಜೇಟ್ಲಿ ಹಾಗೂ ಅರುಣ್ ಶೌರಿ ಅವರುಗಳು ನರೇಂದ್ರ ಮೋದಿಯವರು ಪ್ರಧಾನಿ ಸ್ಥಾನವನ್ನೇರುವ ಅರ್ಹತೆಗಳನ್ನು ಪಡೆದಿದ್ದಾರೆ ಎಂಬರ್ಥದ ಮಾತುಗಳನ್ನು ಇತ್ತೀಚೆಗೆ ಹೇಳಿದ್ದರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ