ತಾವು ಕೇಂದ್ರ ಹಾಗೂ ರಾಜ್ಯ ಸರ್ಕಾರದೊಂದಿಗೆ ಮಾತುಕತೆಗೆ ಸಿದ್ಧ ಎಂದು ಹೇಳಿರುವ ನಕ್ಸಲರು, ಆದರೆ ಸರ್ಕಾರ ಕದನ ವಿರಾಮ ಘೋಷಿಸಬೇಕು ಎಂಬ ಪೂರ್ವಷರತ್ತು ಹೇರಿದ್ದಾರೆ.
"ಭಾನುವಾರ ಹಿಂಸಾಜರ್ಜರಿತ ಲಾಲ್‌ಗರ್‌ಗೆ ಭೇಟಿ ನೀಡಿದ ಬುದ್ಧಿಜೀವಿಗಳು ಮಾತುಕತೆಗೆ ವ್ಯವಸ್ಥೆ ಮಾಡಿದರೆ, ತಾವು ಕೇಂದ್ರ ಮತ್ತು ಪಶ್ಚಿಮ ಬಂಗಾಳ ಸರ್ಕಾರದೊಂದಿಗೆ ಮಾತುಕತೆಗೆ ಸಿದ್ಧ" ಎಂದು ಮಾವೋವಾದಿ ನಾಯಕ ಸಾಗರ್ ಹೇಳಿಕೆಯೊಂದರಲ್ಲಿ ತಿಳಿಸಿದ್ದಾರೆ.
ಆದರೆ, ಲಾಲ್‌ಗರ್‌ನಿಂದ ಕೇಂದ್ರೀಯ ಅರೆಸೇನಾ ಪಡೆಗಳನ್ನು ವಾಪಸು ಪಡೆದರೆ ಮತ್ತು ರಾಜ್ಯ ಸರ್ಕಾರವು ಕದನವಿರಾಮ ಘೋಷಿಸಿದರೆ ಮಾತ್ರ ಮಾತುಕತೆಗೆ ಮುಂದಾಗುತ್ತೇವೆ ಎಂದು ಸಂಘಟನೆಯ ವಕ್ತಾರ ಗೌರ್ ಚಕ್ರವರ್ತಿ ಪಿಟಿಐ ಸುದ್ದಿಸಂಸ್ಥೆಗೆ ತಿಳಿಸಿದ್ದಾರೆ.
ಮಾತುಕತೆಗೆ ಮುನ್ನ ಶಾಂತಿ ಸ್ಥಾಪನೆಗಾಗಿ ತಾವು ಪೂರ್ವಷರತ್ತನ್ನು ಹೇರುವುದಾಗಿ ಚಕ್ರವರ್ತಿ ಹೇಳಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ