ಉತ್ತರ ಕಾಶ್ಮೀರದ ಕುಪ್ವಾರಾ ಜಿಲ್ಲೆಯಲ್ಲಿ ಉಗ್ರಗಾಮಿಗಳು ಮತ್ತು ಸೈನಿಕರ ನಡುವೆ ಗುಂಡಿನ ಚಕಮಕಿಯಲ್ಲಿ ಇಬ್ಬರು ಉಗ್ರಗಾಮಿಗಳು ಮತ್ತು ಒಬ್ಬ ಸೈನಿಕ ಸತ್ತಿದ್ದಾರೆಂದು ಪೊಲೀಸರು ಹೇಳಿದ್ದಾರೆ. ಇಲ್ಲಿಗೆ 90 ಕಿಮೀ ದೂರದ ಜಕಲ್‌ಡಾರಾದ ವಡ್ಡರ್‌ಬಾಲಾ ಅರಣ್ಯದಲ್ಲಿ ಪೊಲೀಸರ ಜಂಟಿ ಶೋಧನಾ ತಂಡ ಮತ್ತು ರಾಷ್ಟ್ರೀಯ ರೈಫಲ್ಸ್ ತಂಡವು ಶುಕ್ರವಾರ ರಾತ್ರಿ 11ಗಂಟೆ ವೇಳೆಯಲ್ಲಿ ಅಡಗಿಕೊಂಡಿದ್ದ ಉಗ್ರಗಾಮಿಗಳನ್ನು ಎದುರಿಸಿದಾಗ ಪರಸ್ಪರ ಗುಂಡಿನ ಚಕಮಕಿ ನಡೆಯಿತು.
ಅಡಗಿಕೊಂಡಿದ್ದ ಉಗ್ರಗಾಮಿಗಳು ಶೋಧನಾ ತಂಡದ ಮೇಲೆ ಗುಂಡು ಹಾರಿಸಿದಾಗ ಸುಮಾರು 24 ಗಂಟೆಗಳ ಕಾಲ ನಡೆದ ಚಕಮಕಿಯಲ್ಲಿ ಇಬ್ಬರು ಉಗ್ರಗಾಮಿಗಳು ಮತ್ತು ಒಬ್ಬ ಸೈನಿಕ ಸತ್ತಿದ್ದಾರೆ. ಒಬ್ಬ ಉಗ್ರಗಾಮಿ ಶುಕ್ರವಾರ ಸತ್ತಿದ್ದು, ಇನ್ನೊಬ್ಬ ಉಗ್ರಗಾಮಿ ಮತ್ತು ಸೇನೆಯ ಯೋಧನೊಬ್ಬ ಶನಿವಾರ ನಸುಕಿನಲ್ಲಿ ಹತರಾಗಿದ್ದಾರೆ.
ಹತರಾದ ಉಗ್ರಗಾಮಿಗಳಿಂದ ಎರಡು ಎಕೆ 47 ರೈಫಲ್ಲುಗಳು, ಎರಡು ಮ್ಯಾಗಜಿನ್‌ಗಳು ಮತ್ತು ಮದ್ದುಗುಂಡುಗಳ ಸುತ್ತುಗಳು ಪತ್ತೆಯಾಗಿದ್ದು, ಅವರು ವಿದೇಶಿಯರೆಂದು ನಂಬಲಾಗಿದೆ. ಶೋಧನಾ ತಂಡ ಕೈಬಾಂಬೊಂದನ್ನು ಪತ್ತೆಹಚ್ಚಿದ್ದು, ಅದನ್ನು ಸ್ಥಳದಲ್ಲೇ ನಾಶಗೊಳಿಸಲಾಯಿತು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ