ಕೋರ್ಟ್ ಕಲಾಪಕ್ಕೆ ಅಡ್ಡಿ ಪಡಿಸಬೇಡಿ ಎಂದು ಹೇಳಿದ ನ್ಯಾಯಾಧೀಶರಿಗೆ ವಕೀಲರು ಕಪಾಳಕ್ಕೆ ಬಿಗಿದ ಘಟನೆ ದೆಹಲಿಯ ವಿಚಾರಾಣಾಧೀನ ನ್ಯಾಯಾಲಯದಲ್ಲಿ ಬುಧವಾರ ಸಂಭವಿಸಿದೆ.
ನ್ಯಾಯಾಧೀಶ ಪಂಕಜ್ ಗುಪ್ತಾ ಅವರು ಹಿಂದೂ ವಿವಾಹ ಕಾಯ್ದೆ ಕುರಿತ ಪ್ರಕರಣ ಒಂದರ ವಿಚಾರಣೆ ನಡೆಸುತ್ತಿದ್ದ ವೇಳೆ ವಕೀಲರೊಬ್ಬರು ಕಲಾಪಕ್ಕೆ ಅಡ್ಡಿ ಪಡಿಸಿದರು. ಈ ವೇಳೆ ಕಲಾಪದಲ್ಲಿ ಮೂಗು ತೂರಿಸದಿರುವಂತೆ ನ್ಯಾಯಾಧೀಶರು ತಾಕೀತು ಮಾಡಿದರು.
ಇದರಿಂದ ವ್ಯಗ್ರಗೊಂಡ ವಕೀಲ ತಕ್ಷಣ ಹೊರ ನಡೆದು ಮತ್ತಷ್ಟು ವಕೀಲರ ಗುಂಪನ್ನು ಕರೆದುಕೊಂಡು ಬಂದಿದ್ದು, ನ್ಯಾಯಾಧೀಶರ ಕೆನ್ನೆಗೆ ಬಾರಿಸಿದರು. ಈ ಪ್ರಕರಣವನ್ನು ನ್ಯಾಯಾಂಗ ಅಧಿಕಾರಿಗಳು ಖಂಡಿಸಿದ್ದು, ತಮಗೆ ಭದ್ರತೆ ಒದಗಿಸಬೇಕು ಎಂದು ಒತ್ತಾಯಿಸಿದ್ದಾರೆ.
ಆದರೆ ವಕೀಲರ ಗುಂಪು ಮಾತ್ರ ತಾವು ಗುಪ್ತಾರಿಗೆ ಹೊಡೆದೇ ಇಲ್ಲ, ಆವರೊಂದಿಗೆ ಮಾತಿನ ಚಕಮಕಿ ನಡೆಯಿತು ಅಷ್ಟೆ ಎಂದು ಹೇಳಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ