ಗುಜರಾತನ್ನು ತಲ್ಲಣಗೊಳಿಸಿರುವ ಕಳ್ಳಭಟ್ಟಿ ದುರಂತದ ಹಿಂದೆ ಭೂಗತ ಪಾತಕಿಗಳ ಕೈವಾಡ ಇದೆ ಎಂಬ ಸ್ಫೋಟಕ ಮಾಹಿತಿಯನ್ನು ಗುಜರಾತ್ ಇಂಟಲಿಜೆನ್ಸ್ ಪೊಲೀಸರು ಹೊರಗೆಡಹಿದ್ದಾರೆ.
ಸುಮಾರು 136 ಮಂದಿಯನ್ನು ಬಲಿತೆಗೆದುಕೊಂಡಿರುವ ಈ ದುರಂತವು ಮದ್ಯನಿಷೇಧಿತ ರಾಜ್ಯದಲ್ಲಿ ಭೂಗತ ಪಾತಕಿಗಳು ನಡೆಸಿರುವ ಸಂಚು ಎಂದು ಹೇಳಲಾಗಿದೆ. ಇದರ ಹಿಂದಿರುವವರು ಯಾರು ಎಂಬುದು ಆರಂಭಿಕ ವರದಿಗಳಲ್ಲಿ ಲಭ್ಯವಾಗಿಲ್ಲ. ಕಳೆದ ಭಾನುವಾರ ಕಳ್ಳಭಟ್ಟಿ ಸೇವಿಸಿದ ಮಂದಿ ಸೋಮವಾರದಿಂದ ಪ್ರಾಣಕಳೆದುಕೊಳ್ಳಲಾರಂಭಿಸಿದ್ದರು.
ಸಾವನ್ನಪ್ಪಿರುವವರಲ್ಲಿ ಹೆಚ್ಚಿನವರು ಸಮಾಜದ ಬಡವರ್ಗದ ಜನರಾಗಿದ್ದಾರೆ. ನಾಲ್ಕು ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಕೆಲವರು ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ್ದರೆ, ಮತ್ತೆ ಕೆಲವರು ಕಳೆದ ಮೂರು ದಿನಗಳಿಂದ ಕೃತಕ ಉಸಿರಾಟದಲ್ಲಿದ್ದಾರೆ. ಸುಮಾರು 300 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ