ಪುರುಷ ಕಲಾವಿದನಿಗೆ ಸ್ತ್ರೀರತ್ನ ಪ್ರಶಸ್ತಿ. ಇದು ತಮಾಷೆಯಾಗಿ ಕಾಣಬಹುದು. ಆದರೆ ಇದು ತಮಾಷೆಯೂ ಅಲ್ಲ, ಸುಳ್ಳೂ ಅಲ್ಲ. ಖ್ಯಾತ ಕಥಕ್ಕಳಿ ಕಲಾವಿದ ಕೋಟಕ್ಕಲ್ ಶಿವರಾಮನ್ ಅವರು ಮಹಿಳಾ ಪಾತ್ರಗಳ ಪ್ರದರ್ಶನದಲ್ಲಿ ಪರಿಣತರು.
ಕಳೆದ ಸಂಜೆ ಪಾಲಕ್ಕಾಡ್ ಜಿಲ್ಲೆಯ ಕರಾಲ್ಮನ್ನ ಎಂಬಲ್ಲಿ ಈ ವರ್ಷದ ಕಥಕ್ಕಳಿ ಪುರಸ್ಕಾರ ನೀಡಿದ ವೇಳೆಗೆ ಕೇರಳದ ಸಾಂಸ್ಕೃತಿಕ ಸಚಿವ ಎಂ.ಎ. ಬೇಬಿ ಅವರು ಶಿವರಾಮನ್ ಅವರಿಗೆ ಸ್ತ್ರೀ ರತ್ನ ಪ್ರಶಸ್ತಿ ಘೋಷಿಸಿದರು.
ಕಥಕ್ಕಳಿ ಕೇರಳದ ಶಾಸ್ತ್ರೀಯ ನೃತ್ಯ ರೂಪಕ. ಈ ಪ್ರಕಾರದಲ್ಲಿ ಕರ್ನಾಟಕದ ಜಾನಪದ ಪ್ರಕಾರವಾದ ಯಕ್ಷಗಾನದಂತೆ ಮಹಿಳಾ ಪಾತ್ರವನ್ನೂ ಪುರುಷರೇ ಮಾಡುವ ಪರಂಪರೆ ಇದೆ.
ಆದರೆ ಇತ್ತೀಚಿನ ದಿನಗಳಲ್ಲಿ ಮಹಿಳಾ ಕಥಕ್ಕಳಿ ತಂಡಗಳಿವೆ. ಇಲ್ಲಿ ಮಹಿಳೆಯರೇ ಪುರುಷರ ಪಾತ್ರ ಆಡಿ ತೋರುತ್ತಾರೆ! | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ