ಕರ್ನಾಟಕದ ರಾಜ್ಯಪಾಲರಾಗಿ ಠಾಕೂರ್ ಬೆಂಗಳೂರು, ಸೋಮವಾರ, 20 ಆಗಸ್ಟ್ 2007( 12:38 IST )

ರಾಜ್ಯಪಾಲ ಟಿ ಎನ್ ಚತುರ್ವೇದಿ ಅವರ ಐದು ವರ್ಷಗಳ ಅವಧಿ ಮಂಗಳವಾರ ಮುಕ್ತಾಯವಾಗುತ್ತಿರುವ ಹಿನ್ನಲೆಯಲ್ಲಿ, ಕರ್ನಾಟಕದ ನೂತನ ರಾಜ್ಯಪಾಲರಾಗಿ ರಾಮೇಶ್ವರ ಠಾಕೂರ್ ಅವರನ್ನು ನೇಮಕ ಮಾಡಿ ಕೇಂದ್ರ ಆದೇಶ ಹೊರಡಿಸಿದೆ. ಕೇಂದ್ರ ಸರಕಾರವು ಇನ್ನೂ ಹಲವು ರಾಜ್ಯಗಳ ರಾಜ್ಯಪಾಲರನ್ನು ಬದಲಾವಣೆ ಮಾಡಿದ್ದು, ಕರ್ನಾಟಕದ ರಾಜ್ಯಪಾಲರಾಗಿ ನೇಮಕವಾಗಿರುವ ರಾಮೇಶ್ವರ ಠಾಕೂರ್ ಅವರು. ಈ ಮೊದಲು ಓರಿಸ್ಸಾ ರಾಜ್ಯಪಾಲರಾಗಿ ಕಾರ್ಯನಿರ್ವಹಿಸುತ್ತಿದ್ದರು. 80 ವರ್ಷದ ರಾಮೇಶ್ವರ ಠಾಕೂರ್ ಅವರು ನವಂಬರ್ 18, 2009ರವರೆಗೆ ಕರ್ನಾಟಕದ ರಾಜ್ಯಪಾಲರಾಗಿ ಸೇವೆ ಸಲ್ಲಿಸಲಿದ್ದಾರೆ. ಸ್ವಾತಂತ್ರ್ಯ ಹೋರಾಟದ ಹಿನ್ನಲೆ ಹೊಂದಿರುವ ರಾಮೇಶ್ವರ ಠಾಕೂರ್ ಅವರು, 1942ರ ಚಲೆ ಜಾವೋ (ಕ್ವಿಟ್ ಇಂಡಿಯಾ) ಚಳುವಳಿಯಲ್ಲಿ ಭಾಗವಹಿಸಿದ್ದರು.