ಕಾಡನೆ ಹಾವಳಿ: ಕೇಂದ್ರ ಪರೀಶೀಲನಾ ತಂಡ ಕೊಡಗು, ಗುರುವಾರ, 30 ಆಗಸ್ಟ್ 2007( 18:44 IST )

ರಾಜ್ಯದಲ್ಲಿ ಕಾಡಾನೆ ಹಾವಳಿ ಇರುವ ಚಾಮರಾಜನಗರ, ಹಾಸನ, ಹಾವೇರಿ ಮುಂತಾದ ಪ್ರದೇಶಗಳಲ್ಲಿ ಪರಿಸ್ಥಿತಿ ಪರೀಶೀಲನೆಗಾಗಿ ಕೇಂದ್ರ ಸರ್ಕಾರದ ತಂಡ ಶೀಘ್ರದಲ್ಲೆ ರಾಜ್ಯಕ್ಕೆ ಆಗಮಿಸಲಿದೆ. ಪ್ರಸಕ್ತ ಸಂಸತ್ ಅಧಿವೇಶನ ಮುಗಿದಬಳಿಕ ಕೇಂದ್ರ ಸರ್ಕಾರದ ಉನ್ನತ ಅಧಿಕಾರಿಗಳ ತಂಡ ರಾಜ್ಯದಲ್ಲಿ ಪ್ರವಾಸ ಕೈಗೊಳ್ಳಲಿದೆ. ಕಾಡನೆಗಳು ಕೃಷಿ ಬೆಳೆಗಳನ್ನು ನಾಶಪಡಿಸುವುದಲ್ಲದೇ ಜನರನ್ನು ಸಾಯಿಸಿರುವ ಘಟನೆಗಳು ಸಾಕಷ್ಟಿವೆ. ಅರಣ್ಯ ನಾಶ, ಆನೆಗಳ ಸಂಖ್ಯೆ ಹೆಚ್ಚಳ ಮುಂತಾದ ಕಾರಣಗಳಿಂದ ಕಾಡಾನೆ ಹಾವಳಿ ಹೆಚ್ಚಿದೆ. ಆನೆಗಳ ಹಾವಳಿ ತಡೆಗೆ 23 ಕೋಟಿ ರೂ.ವೆಚ್ಚದ ಯೋಜೆನಯೊಂದನ್ನು ಸಿದ್ಧಪಡಿಸಲಾಗಿದೆ. ಸೌರಶಕ್ತಿ ಬೇಲಿ, ಕಾಡಾನೆ ಹಾವಳಿಗೆ ತುತ್ತಾದವರಿಗೆ ಪರಿಹಾರ, ಆನೆ ಕಂದಕ ನಿರ್ಮಾಣ ಮುಂತಾದವು ಈ ಯೋಜನೆಯಲ್ಲಿ ಅಡಕವಾಗಿವೆ.