ಹೈದರಾಬಾದ್ ಸ್ಫೋಟ: ಶಂಕಿತರಿಗೆ ಮಂಪರು ಪರೀಕ್ಷೆ ಬೆಂಗಳೂರು, ಮಂಗಳವಾರ, 4 ಸೆಪ್ಟೆಂಬರ್ 2007( 19:26 IST )

ಹೈದರಾಬಾದ್ ಸ್ಫೋಟದ ಶಂಕಿತ ಆರೋಪಿಗಳನ್ನು ಬೆಂಗಳೂರಿನ ವಿಧಿ ವಿಜ್ಞಾನ ಪ್ರಯೋಗಾಲಯದಲ್ಲಿ ಮಂಗಳವಾರ ಮಂಪರು ಪರೀಕ್ಷೆಗೆ ಒಳಪಡಿಸಲಾಗಿದೆ. ಸಯ್ಯದ್ ಇಬ್ರಾಹಿಂ ಹಾಗೂ ಅಬ್ದುಲ್ಲಾ ಎಂಬ ಆರೋಪಿಗಳನ್ನು ಮಂಪರು ಪರೀಕ್ಷೆಗೆ ಗುರಿಪಡಿಸಲಾಗುತ್ತಿದ್ದು, ಹೆಚ್ಚಿನ ಮಾಹಿತಿಯನ್ನು ಪೊಲೀಸರು ಬಹಿರಂಗಗೊಳಿಸುತ್ತಿಲ್ಲ. ಹೈದರಾಬಾದ್ ಸ್ಫೋಟಕ್ಕೆ ಸಂಬಂಧಿಸಿ ಯಾರನ್ನೂ ಬಂಧಿಸಿಲ್ಲ ಎಂಬ ಸುದ್ದಿ ಇರುವಂತೆಯೇ, ಆಂಧ್ರ ಪೊಲೀಸರು ಮಾತ್ರ ಬೆಂಗಳೂರಿನಲ್ಲಿ ಕಾರ್ಯಾಚರಣೆ ನಡೆಸುತ್ತಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಆದರೆ ಈ ಬಗ್ಗೆ ಗೃಹ ಸಚಿವ ಎಂ.ಪಿ. ಪ್ರಕಾಶ್ ಅವರನ್ನು ಕೇಳಿದಾಗ, ಈ ಕುರಿತು ಏನೂ ಹೇಳಲಾಗದು ಎಂದಿದ್ದಾರೆ. ಆದರೆ ಹೈದರಾಬಾದ್ ಸ್ಫೋಟಕ್ಕೆ ಸಂಬಂಧಿಸಿ ಬಾಂಗ್ಲಾ ಮಹಿಳೆ ಸೇರಿದಂತೆ ಬೆಂಗಳೂರಿನ ಗುರಪ್ಪನ ಪಾಳ್ಯದಲ್ಲಿ ಇಬ್ಬರನ್ನು ಹೈದರಾಬಾದ್ ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ ಎನ್ನಲಾಗಿದೆ.