ದಸರಾ ಉತ್ಸವ:ಡ್ರೀಮ್‌ಗರ್ಲ್‌ನಿಂದ ಭರತನಾಟ್ಯ ಮೈಸೂರು, ಶುಕ್ರವಾರ, 21 ಸೆಪ್ಟೆಂಬರ್ 2007( 16:29 IST )

ಅರಮನೆ ಮುಂಭಾಗದ ವೇದಿಕೆಯಲ್ಲಿ ಖ್ಯಾತ ತಾರೆ ಹೇಮಮಾಲಿನಿ ಭರತನಾಟ್ಯ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ. ಇದೇ ರೀತಿ ದಸರಾಗೆ ಆಗಮಿಸುವವರ ಮನರಂಜಿಸಲು ಖ್ಯಾತ ಗಾಯಕರಾದ ಎಸ್.ಪಿ.ಬಾಲಸುಬ್ರಹ್ಮಣ್ಯಂ ಮತ್ತು ಸೋನು ನಿಗಮ್ ಸಂಗೀತ ಸಂಜೆ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ. ಹೇಮಮಾಲಿನಿ ಭರತನಾಟ್ಯ ಕಾರ್ಯಕ್ರಮ ಅ. 20ರಂದು ನಡೆಯಲಿದೆ. ಅ. 17ರಂದು ಸೋನುನಿಗಮ್ ಮತ್ತು 21ರಂದು ಎಸ್.ಪಿ.ಬಾಲಸುಬ್ರಹ್ಮಣ್ಯಂ ಅವರು ಕಾರ್ಯಕ್ರಮ ನಡೆಸಿಕೊಡಲಿದ್ದಾರೆ. ಈ ಕಾರ್ಯಕ್ರಮಗಳಲ್ಲದೆ ಸೋಮನಾಥಪುರ, ನಂಜನಗೂಡು ಮತ್ತು ಶ್ರೀರಂಗಪಟ್ಟಣದಲ್ಲೂ ಸಾಂಸ್ಕ್ಕತಿಕ ಕಾರ್ಯಕ್ರಮಗಳು ನಡೆಯಲಿವೆ.