ಬೆಂಗಳೂರು:ಬಾಲಾಪರಾಧಿಗಳು ಪರಾರಿ ಬೆಂಗಳೂರು, ಶನಿವಾರ, 20 ಅಕ್ಟೋಬರ್ 2007( 17:57 IST )

ಬೆಂಗಳೂರು ನಗರದ ಮಡಿವಾಳ ರಿಮಾಂಡ್ ಹೋಂನಿಂದ ಬಾಲಾಪರಾಧಿಗಳು ಪರಾರಿಯಾಗಿದ್ದಾರೆ. ಇಂದು ಮುಂಜಾನೆ ರಿಮಾಂಡ್ ಹೋಂಗೆ ಕನ್ನ ಕೊರೆದು ಬಾಲಾಪರಾಧಿಗಳು ಪರಾರಿಯಾಗಿದ್ದಾರೆ. ಈ ಹಿಂದೆ ಇದೇ ರೀತಿಯ ಘಟನೆ ನಡೆದಿದ್ದು, 40 ಮಂದಿ ಬಾಲಾಪರಾಧಿಗಳು ಪರಾರಿಯಾಗಿದ್ದರು. ರಿಮಾಂಡ್ ಹೋಂ ಶಿಥಿಲಾವಸ್ಥೆ ಮತ್ತು ಬಾಲಾಪರಾಧಿಗಳು ಎಂಬ ನಿರ್ಲಕ್ಷ್ಯವೇ ಈ ಘಟನೆಗೆ ಕಾರಣ ಎನ್ನಲಾಗಿದೆ. ತಪ್ಪಿಸಿಕೊಂಡಿರುವ ಬಾಲಾಪರಾಧಿಗಳು ವಿವಿಧ ಪ್ರಕರಣಗಳಲ್ಲಿ ಭಾಗಿಯಾಗಿದ್ದರು. ಈ ಘಟನೆಗೆ ಸಂಬಂಧಿಸಿ ಮಡಿವಾಳ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತಪ್ಪಿಸಿಕೊಂಡಿರುವ ಅಪರಾಧಿಗಳ ಹುಡುಕಾಟದಲ್ಲಿ ತೊಡಗಿದ್ದಾರೆ.