ಅಧಿಕಾರಿಗಳ ನಿವಾಸದ ಮೇಲೆ ಲೋಕಾಯುಕ್ತರ ದಾಳಿ ಬೆಂಗಳೂರು, ಶನಿವಾರ, 3 ನವೆಂಬರ್ 2007( 15:03 IST )

ಕರ್ನಾಟಕ ಲೋಕಾಯುಕ್ತರು ಪೋಲಿಸ್ ಮತ್ತು ಆರ್‌ಟಿಓ ಹಿರಿಯ ಅಧಿಕಾರಿಗಳ ನಿವಾಸಗಳ ಮೇಲೆ ಬೆಂಗಳೂರಿನಲ್ಲಿ ಶನಿವಾರ ಮುಂಜಾನೆಯಿಂದಲೇ ದಾಳಿ ಆರಂಭಿಸಿದ್ದಾರೆ. ನಗರದ ಪ್ರಮುಖ ಪೋಲಿಸ್ ಅಧಿಕಾರಿಗಳ ಮನೆಗಳ ಮೇಲೆ ಮತ್ತು ಆರ್‌ಟಿಓ ಅಧಿಕಾರಿಗಳ ಮನೆಗಳ ಮೇಲೆ ದಾಳಿ ನಡೆಸಿರುವ ಲೋಕಾಯುಕ್ತರು ಅಕ್ರಮವಾಗಿ ಸಂಪಾದಿಸಿಟ್ಟ ಲಕ್ಷಾಂತರ ರೂ ನಗದು ಹಾಗೂ ಕೆಲವು ಮಹತ್ವದ ದಾಖಲೆಗಳನ್ನು ವಶಪಡಿಸಿಕೊಂಡಿದ್ದಾರೆ. ಈವರೆಗೆ ಇಬ್ಬರು ಎ ಸಿ ಪಿ, ನಾಲ್ವರು ಪೋಲಿಸ್ ಮತ್ತು ಒಬ್ಬ ಎಸ್ಪಿಯ ಮನೆಗಳ ಮೇಲೆ ದಾಳಿನಡೆದಿದ್ದು ಇಂದು ಮುಂಜಾನೆ 6 ಗಂಟೆಯ ಸುಮಾರಿಗೆ ಎಲ್ಲರ ಮನೆಗಳ ಮೇಲೆ ಒಟ್ಟಿಗೆ ದಾಳಿ ನಡೆದಿದೆ. ಲೋಕಾಯುಕ್ತರ ದಾಳಿಯು ಇನ್ನೂ ಮುಂದುವರೆದಿದ್ದು, ಬಳಾರಿ, ಬೀದರ್‌ನಲ್ಲೂ ದಾಳಿ ನಡೆದಿರುವ ಬಗ್ಗೆ ತಿಳಿದು ಬಂದಿದೆ.