ಚನ್ನಪಟ್ಟಣದಿಂದ ಸ್ಪರ್ಧಿಸಲು ಕುಮಾರಣ್ಣ ಒಲವು? ಬೆಂಗಳೂರು, ಗುರುವಾರ, 6 ಡಿಸೆಂಬರ್ 2007( 18:26 IST )

ತಮ್ಮನ್ನು ಗೆಲ್ಲಿಸಿದ ರಾಮನಗರ ಕ್ಷೇತ್ರವನ್ನು ಬಿಟ್ಟು ಕುಮಾರಣ್ಣ ಚನ್ನಪಟ್ಟಣದೆಡೆ ಹೊರಳಲಿದ್ದಾರೆಯೇ? ಹೌದು ಎನ್ನುತ್ತವೆ ರಾಜಕೀಯ ಮೂಲಗಳು. ಹಿಂದೆಂದೂ ಇಲ್ಲದಂತೆ ರಾಮನಗರವನ್ನು ಕುಮಾರಣ್ಣ ಅಭಿವೃದ್ದಿ ಪಡಿಸಿದ್ದರು. ಎರಡು ಹೊಸ ಜಿಲ್ಲೆಗಳು ರಚನೆಯಾಗುವ ಸಂದರ್ಭದಲ್ಲಿ ಚಿಕ್ಕಬಳ್ಳಾಪುರಕ್ಕೆ ಕೇವಲ 75 ಕೋಟಿಗಳಷ್ಟು ಮಾತ್ರ ಮಂಜೂರಾಗಿದ್ದರೆ, ರಾಮನಗರಕ್ಕೆ ಸಿಕ್ಕ ಪ್ರಮಾಣ ಸಾವಿರ ಕೋಟಿಯನ್ನೂ ಮೀರಿತ್ತು. ಹೀಗಿರುವಾಗ ಕ್ಷೇತ್ರ ಬದಲಾವಣೆಗೆ ಕಾರಣವಾದರೂ ಏನು ಎಂಬ ಪ್ರಶ್ನೆ ಕೇಳಿದರೆ ಅಧಿಕಾರ ಹಸ್ತಾಂತರದ ಗುಮ್ಮ ಎದುರಾಗುತ್ತದೆ. ಒಪ್ಪಂದವಾದಂತೆ ಬಿಜೆಪಿಗೆ ಅಧಿಕಾರ ಹಸ್ತಾಂತರವಾಗದ್ದರಿಂದ ರಾಮನಗರದ ಲಿಂಗಾಯಿತರು ಸಹಜವಾಗಿಯೇ ತಮ್ಮ ವಿರುದ್ಧ ಕೋಪಿಸಿಕೊಂಡಿದ್ದಾರೆ ಎಂಬ ಅರಿವು ಕುಮಾರಣ್ಣನಿಗೂ ಇದೆ. ವೃಥಾ ಏಕೆ ಮೈನೋವು ಎಂಬ ಹಿನ್ನೆಲೆಯಲ್ಲಿ ಒಕ್ಕಲಿಗರು ಹೆಚ್ಚಿರುವ ಚನ್ನಪಟ್ಟಣವನ್ನು ನೆಚ್ಚಿಕೊಂಡಿದ್ದಾರೆ ಎನ್ನುವುದು ರಾಜಕೀಯ ಪಂಡಿತರ ಅಭಿಪ್ರಾಯ.