ಇನ್ಫೋಸಿಸ್ ವಾಹನ ಚಾಲಕರ ಪ್ರತಿಭಟನೆ ಬೆಂಗಳೂರು, ಮಂಗಳವಾರ, 8 ಜನವರಿ 2008( 18:43 IST )

ಇನ್ಫೋಸಿಸ್ ವಾಹನ ಚಾಲಕರು ನಿನ್ನೆ ರಾತ್ರೋರಾತ್ರಿ ಎಲೆಕ್ಟ್ರಾನಿಕ್ ಸಿಟಿಯಲ್ಲಿ ಮುಷ್ಕರ ಹೂಡಿದ ಪರಿಣಾಮ ವಾಹನ ಸಂಚಾರಕ್ಕೆ ಅಡ್ಡಿಯಾಯಿತು. ತಮ್ಮ ವಾಹನಗಳಲ್ಲಿ ಅಳವಡಿಸಿದ್ದ ಇನ್ಫೋಸಿಸ್ ಸ್ಟಿಕರ್‌ಗಳನ್ನು ತೆಗೆದಿರುವ ವಿರುದ್ದ ಇನ್ಫೋಸಿಸ್ ವಾಹನ ಚಾಲಕರು ಹಠಾತ್ ಮುಷ್ಕರಕ್ಕೆ ಮುಂದಾದರು. ಈ ಮುಷ್ಕರದಿಂದ ಎಲೆಕ್ಟ್ರಾನಿಕ್ ಸಿಟಿಯಲ್ಲಿ ವಾಹನ ಸಂಚಾರಕ್ಕೆ ತೊಂದರೆ ಉಂಟಾಯಿತು. ಇದರ ಪರಿಣಾಮ ಸ್ಥಳದಲ್ಲಿ ಸ್ವಲ್ಪ ಮಟ್ಟಿನ ಗೊಂದಲಮಯ ವಾತಾವರಣ ಸೃಷ್ಟಿಯಾಗಿತ್ತು. ಕೂಡಲೇ ಸ್ಥಳಕ್ಕೆ ಆಗಮಿಸಿದ ಪೊಲೀಸರು ಮಧ್ಯೆ ಪ್ರವೇಶಿಸಿ ವಾತಾವರಣವನ್ನು ತಿಳಿಗೊಳಿಸಿದರು. ಇದಕ್ಕೆ ಶೀಘ್ರವಾಗಿ ಸ್ಪಂದಿಸುವುದಾಗಿ ಭರವಸೆ ನೀಡಿದ ಬಳಿಕ ವಾಹನ ಚಾಲಕರು ಮುಷ್ಕರವನ್ನು ಹಿಂತೆಗೆದುಕೊಂಡರು ಎಂದು ತಿಳಿದು ಬಂದಿದೆ.