ಜನವರಿ ಅಂತ್ಯಕ್ಕೆ ವಿದ್ಯುತ್ ದರ ಏರಿಕೆ ಸಂಭವ ಬೆಂಗಳೂರು, ಬುಧವಾರ, 9 ಜನವರಿ 2008( 17:02 IST )

ವಿದ್ಯುತ್ ದರವನ್ನು ಏರಿಸಲು ನಿರ್ಧರಿಸಿರುವ ಕರ್ನಾಟಕ ವಿದ್ಯುಚ್ಛಕ್ತಿ ನಿಯಂತ್ರಣ ಮಂಡಳಿಯು ಈ ತಿಂಗಳ ಅಂತ್ಯದ ವೇಳೆಗೆ ತನ್ನ ನಿರ್ಧಾರವನ್ನು ಪ್ರಕಟಿಸಲಿದೆ ಎಂದು ತಿಳಿದುಬಂದಿದೆ. ಕರ್ನಾಟಕ ವಿದ್ಯುಚ್ಛಕ್ತಿ ಮಂಡಳಿಯು ಈಗ ಕರ್ನಾಟಕ ವಿದ್ಯುಚ್ಛಕ್ತಿ ನಿಯಂತ್ರಣ ಮಂಡಳಿಯಾಗಿ ರೂಪಾಂತರಗೊಂಡಿರುವುದರಿಂದ ಮಂಡಳಿಯಲ್ಲಿ ಅಸ್ತಿತ್ವದಲ್ಲಿರುವ ಕಾಯ್ದೆಯ ಅನುಸಾರ ಸಾರ್ವಜನಿಕರಿಗೆ ಹೊರೆಯಾಗದಂತೆ ಈ ಕುರಿತು ನಿರ್ಧಾರ ಕೈಗೊಳ್ಳಲಾಗುವುದು ಎಂದು ಮಂಡಳಿಯ ಅಧ್ಯಕ್ಷ ಕೆ.ಪಿ.ಪಾಂಡೆ ತಿಳಿಸಿದ್ದಾರೆ. ದರ ಪರಿಷ್ಕರಣರೆಗೆ ಸಂಬಂಧಿಸಿ ಐದು ವಿದ್ಯುತ್ ಕಂಪನಿಗಳು ಮನವಿ ಸಲ್ಲಿಸಿರುವುದರಿಂದ ಇದನ್ನು ಸದ್ಯದಲ್ಲಿಯೇ ಪರೀಶೀಲಿಸಲಾಗುವುದು ಎಂದು ಪಾಂಡೆ ಈ ಸಂದರ್ಭದಲ್ಲಿ ತಿಳಿಸಿದ್ದಾರೆ. ಈಗಿರುವ ದರವನ್ನು 90ಪೈಸೆಯಷ್ಟು ಹೆಚ್ಚಿಸಬೇಕೆಂದು ಈ ಐದು ಕಂಪನಿಗಳು ಬೇಡಿಕೆ ಸಲ್ಲಿಸಿದ್ದು ಕರ್ನಾಟಕ ವಿದ್ಯುತ್ ನಿಯಂತ್ರಣ ಮಂಡಳಿಯ ಕಾಯ್ದೆ ಅನ್ವಯದಂತೆ ದರ ಪರಿಷ್ಕರಿಸಲಾಗುವುದು ಎಂದು ಪಾಂಡೆ ಸ್ಪಷ್ಟಪಡಿಸಿದ್ದಾರೆ.