ಸುವರ್ಣ ರಥಕ್ಕೆ ವಾಟಾಳ್ ತಿರುಗೇಟು - ಎಮ್ಮೆ ರಥ! ಬೆಂಗಳೂರು, ಶನಿವಾರ, 2 ಫೆಬ್ರವರಿ 2008( 19:07 IST )

ರಾಷ್ಟ್ರಪತಿ ಪ್ರತಿಭಾ ಪಾಟೀಲರಿಂದ ಶನಿವಾರ ಉದ್ಘಾಟನೆಗೊಂಡ ಸುವರ್ಣ ರಥ ರೈಲಿಗೆ ಮಾಜಿ ಶಾಸಕ ವಾಟಾಳ್ ನಾಗರಾಜ್ ಪ್ರತಿಭಟನೆ ವ್ಯಕ್ತಪಡಿಸಿದ್ದು ಎಮ್ಮೆ ಮೆರವಣಿಗೆಯ ಮೂಲಕ! ಶಾಸಕರ ಭವನದಿಂದ ದೇವರಾಜ ಅರಸು ಪ್ರತಿಮೆಯವರೆಗೆ ಎಮ್ಮೆಯೊಂದನ್ನು ಎಳೆದು ತಂದ ವಾಟಾಳರು, ಈ ಸುವರ್ಣ ರಥ ಶ್ರೀಮಂತರಿಗೆ ಮಾತ್ರ ಸೀಮಿತವಾಗಿದೆ, ಬಡ ಪ್ರವಾಸಿಗರ ಪಾಲಿಗೆ ಅದು ಯಮದರ್ಶನವಾಗಲಿದೆ ಎಂದು ತಿಳಿಸಿದರು. ಕರ್ನಾಟಕ ರಾಜ್ಯ ಸರ್ಕಾರದ ಪ್ರವಾಸೋದ್ಯಮ ಇಲಾಖೆಯೂ ಈ ಸಂದರ್ಭದಲ್ಲಿ ವಾಟಾಳ್ ನಾಗರಾಜ್ ಟೀಕೆಗೆ ಒಳಗಾಯಿತು. ನಾ.ಗೋಪಿ, ಎಂ.ಮೋಹನ್, ಚಿಕ್ಕೇಗೌಡ ಇವರೇ ಮೊದಲಾದ ವಾಟಾಳ್ ಪಕ್ಷದ ಕಾರ್ಯಕರ್ತರು ಈ ಪ್ರತಿಭಟನಾ ಮೆರವಣಿಗೆಯಲ್ಲಿ ಪಾಲ್ಗೊಂಡಿದ್ದರು.