51 ಲಕ್ಷ ನಕಲಿ ಮತದಾರರು: ಅಂತಿಮ ಪಟ್ಟಿ ವಿಳಂಬ ಬೆಂಗಳೂರು, ಬುಧವಾರ, 6 ಫೆಬ್ರವರಿ 2008( 17:00 IST )

ಮತದಾರರ ಪಟ್ಟಿ ಪರಿಷ್ಕರಣೆಯು ನಾಳೆ (ಗುರುವಾರ) ಪ್ರಕಟಿಸಬೇಕಿದ್ದು, ಸುಮಾರು 51 ಲಕ್ಷ ನಕಲಿ ಮತದಾರರು ಹೆಸರು ಕಂಡು ಬಂದಿರುವುದರಿಂದ ಅಂತಿಮ ಪಟ್ಟಿ ಮಾರ್ಚ್ 10ರಂದು ಹೊರಬೀಳಲಿದೆ ಎಂದು ಚುನಾವಣಾ ಅಧಿಕಾರಿಗಳು ತಿಳಿಸಿದ್ದಾರೆ. ರಾಜ್ಯದಲ್ಲಿ ನಕಲಿ ಮತದಾರರ ಹೆಸರುಗಳು ಅಧಿಕಗೊಂಡಿರುವುದರಿಂದ ಪರಿಷ್ಕರಣೆ ಕಾರ್ಯದಲ್ಲಿ ವಿಳಂಬವಾಗಿದೆ. ಪ್ರಸ್ತುತ ಪರಿಷ್ಕರಣೆ ಕಾರ್ಯ ಪ್ರಗತಿಯಲ್ಲಿದ್ದು, ಅಂತಿಮ ಪಟ್ಟಿ ಈ ತಿಂಗಳ ಫೆಬ್ರವರಿ 14ರಂದು ಬಿಡುಗಡೆಗೊಳ್ಳಲಿದೆ. ಅಲ್ಲದೆ, ಮಾರ್ಚ್ 10ರಂದು ಪರಿಷ್ಕರಣೆ ಪೂರ್ಣಗೊಂಡು ಅಂತಿಮ ಪಟ್ಟಿ ಸಿದ್ದಗೊಳ್ಳಲಿದೆ ಎಂದು ಚುನಾವಣಾ ಅಧಿಕಾರಿಗಳು ತಿಳಿಸಿದರು. ಮತದಾರರ ಪಟ್ಟಿಯಲ್ಲಿ ನಗರವೊಂದರಲ್ಲಿಯೇ ಸುಮಾರು 4ಲಕ್ಷ ನಕಲಿ ಮತದಾರರ ಹೆಸರುಗಳನ್ನು ಕೈಬಿಡಲಾಗಿದ್ದು, ಬೆಂಗಳೂರು ಮೊದಲ ಸ್ಥಾನದಲ್ಲಿದೆ. ಹಾಗೆಯೇ ಚಾಮರಾಜನಗರ ನಕಲಿ ಮತದಾರರ ಸಂಖ್ಯೆಯಲ್ಲಿ ಕೊನೆಯ ಸ್ಥಾನದಲ್ಲಿದೆ. ಅಲ್ಲದೆ, 21 ಲಕ್ಷ ಮತದಾರರನ್ನು ಸೇರಿಸಲಾಗಿದೆ ಎಂದು ಅವರು ತಿಳಿಸಿದ್ದಾರೆ.