ಮುಳಬಾಗಿಲು ನಂಗಾನಾಚ್: ಸ್ಥಳೀಯರ ಆಕ್ರೋಶ ಕೋಲಾರ, ಗುರುವಾರ, 28 ಫೆಬ್ರವರಿ 2008( 17:32 IST )

ಕೋಲಾರ ಜಿಲ್ಲೆಯ ಮುಳಬಾಗಿಲು ಪಟ್ಟಣದ ಕಾಶಿ ವಿಶ್ವನಾಥ ಸ್ವಾಮಿಯ ಜಾತ್ರೆಯ ಸಂದರ್ಭದಲ್ಲಿ ನಡೆಸಲಾಗಿರುವ ಹೆಣ್ಣುಮಕ್ಕಳ ನಂಗಾನಾಚ್ ಕಾರ್ಯಕ್ರಮ ಸಾರ್ವಜನಿಕರಲ್ಲಿ ತೀವ್ರ ಅಸಮಾಧಾನ ಹುಟ್ಟಿಸಿದೆ. ಅಂಧ್ರದ ಗಡಿಭಾಗದಿಂದ ಇದಕ್ಕೆಂದೇ ನರ್ತಕಿಯರನ್ನು ಕರೆತಂದು ಜಾತ್ರೆ-ರಥೋತ್ಸವಗಳ ವೇಳೆ ತೀರಾ ಅಸಭ್ಯವಾಗಿ ನೃತ್ಯ ಮಾಡಿಸಿರುವ ಆಯೋಜಕರ ನಡವಳಿಕೆಗೆ ಸ್ಥಳೀಯರು ತೀವರ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಸುಮಾರು ವರ್ಷಗಳಿಂದ ಈ ನಂಗಾನಾಚ್ ಅವ್ಯಾಹತವಾಗಿ ನಡೆದು ಬಂದಿದ್ದರೂ ಯಾರೂ ಕೇಳುವವರಿಲ್ಲ. ಕೆಲವರು ಸಂಸಾರ ಸಮೇತರಾಗಿ ಈ ಅಶ್ಲೀಲ ನೃತ್ಯವನ್ನು ವೀಕ್ಷಿಸುವುದು ಅಸಹ್ಯವಾಗಿದ್ದರೂ, ಪೊಲೀಸರು ಈ ಸಂದರ್ಭದಲ್ಲಿ ಮೂಕಪ್ರೇಕ್ಷಕರಾಗಿದ್ದರು ಎಂದು ತಿಳಿದುಬಂದಿದೆ. ಅಶ್ಲೀಲ ನೃತ್ಯಗಳಿಂದ ಶುರುವಾಗಿ, ಕ್ರಮೇಣ ಕೋಳಿ ಕಟ್ಟ, ಜೂಜಾಟ ಇತ್ಯಾದಿಗಳೆಲ್ಲವೂ ಸದರಿ ಜತ್ರೆಯಲ್ಲಿ ನಡೆದಿವೆ. ಈ ಅಸಭ್ಯ ನೃತ್ಯ ಪ್ರದರ್ಶನ ಅಸಹನೀಯವಾಗಿದೆ ಎಂದು ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.