ನೂತನ ಸರ್ಕಾರಕ್ಕೆ ಅಣಿಯಾಗುತ್ತಿರುವ ವಿಧಾನಸೌಧ   ಬೆಂಗಳೂರು, ಬುಧವಾರ, 28 ಮೇ 2008( 10:55 IST )

ಕಳೆದ ಐದು ತಿಂಗಳಿಂದ ಬಣಗುಡುತ್ತಿದ್ದ ವಿಧಾನಸೌಧ ಈಗ ನೂತನ ಸರ್ಕಾರದ ಸ್ವಾಗತಕ್ಕೆ ನವವಧುವಿನಂತೆ ಸಿಂಗಾರಗೊಳ್ಳುತ್ತಿದೆ. ವಿಧಾನಸೌಧ ಚುನಾವಣಾ ಫಲಿತಾಂಶ ಹೊರಬಿದ್ದ ಬಳಿಕ ಸೋಮವಾರದಿಂದಲೇ ವಿಧಾನಸೌಧವನ್ನು ಸಿಂಗರಿಸುವ ಕಾರ್ಯ ಲಗುಬಗೆಯಿಂದ ನಡೆಯುತ್ತಿದೆ. ನೂತನ ಸರ್ಕಾರದ ಪ್ರಮಾಣ ವಚನ ಸ್ವೀಕಾರಕ್ಕೆ ವಿಧಾನಸೌಧ ಮುಂಭಾಗದ ಮೆಟ್ಟಿಲುಗಳ ಮೇಲೆ ವೇದಿಕೆ ಸಜ್ಜುಗೊಳಿಸುವ ಕಾರ್ಯ ಭರದಿಂದ ಸಾಗುತ್ತಿದೆ. ಇನ್ನೆರಡು ದಿನಗಳಲ್ಲಿ ರಾಜ್ಯದಲ್ಲಿ ಸರ್ಕಾರ ಸ್ಥಾಪನೆಗೊಳ್ಳುವುದು ಖಚಿತವಾದ ಹಿನ್ನೆಲೆಯಲ್ಲಿ ನೂರಾರು ಮಂದಿ ಕೆಲಸಗಾರರು ವಿಧಾನಸೌಧವನ್ನು ಅಣಿಗೊಳಿಸುವ ಕಾರ್ಯದಲ್ಲಿ ತೊಡಗಿದ್ದಾರೆ. 116 ಶಾಸಕರನ್ನು ಹೊಂದಿರುವ ಬಿಜೆಪಿ ಇದೇ ಶುಕ್ರವಾರದಂದು ವಿಧಾನಸೌಧದ ಮುಂಭಾಗದಲ್ಲಿ ಪ್ರಮಾಣ ವಚನ ಭಾವಿ ಮುಖ್ಯಮಂತ್ರಿ ಯಡಿಯೂರಪ್ಪ ಸೇರಿದಂತೆ ಪ್ರಮುಖರು ಪ್ರಮಾಣ ಸ್ವೀಕರಿಸಲಿದ್ದಾರೆ.