ಜೂನ್ 23ಕ್ಕೆ ತೆಲಗಿ ವಿಚಾರಣೆ   ಬೆಂಗಳೂರು, ಸೋಮವಾರ, 2 ಜೂನ್ 2008( 19:32 IST )

ಸಿಟಿ ಮಾರ್ಕೆಟ್ನಲ್ಲಿ ನಕಲಿ ಛಾಪಾ ಕಾಗದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಹುಕೋಟಿ ಛಾಪಾ ಕಾಗದ ಹಗರಣದ ಪ್ರಮುಖ ರೂವಾರಿ ಕರೀಂ ಲಾಲ ತೆಲಗಿಯ ವಿಚಾರಣೆ ಇಂದು(ಸೋಮವಾರ) ನಗರದ ವಿಶೇಷ ನ್ಯಾಯಾಲಯದಲ್ಲಿ ವಿಚಾರಣೆ ನಡೆಸಲಾಯಿತು. ಈ ಸಂದರ್ಭದಲ್ಲಿ ನಡೆಸಿದ ವಿಡಿಯೋ ಕಾನ್ಫರೆನ್ಸ್ ಮೂಲಕ ವಿಚಾರಣೆ ನಡೆಸಿದ ನ್ಯಾಯಾಧೀಶರು ಕೇಳಿದ 53 ವಿವಿಧ ಪ್ರಶ್ನೆಗಳಿಗೆ ತೆಲಗಿ ನಕಾರಾತ್ಮಕ ಉತ್ತರಗಳನ್ನು ನೀಡಿದ್ದಾನೆ ಎಂದು ತಿಳಿದು ಬಂದಿದೆ. ನ್ಯಾಯಾಧೀಶರು ಕೇಳಲಾದ ಪ್ರಶ್ನೆಗಳಿಗೆ ತೆಲಗಿ ಬರೀ ಹೌದು/ಇಲ್ಲ ಎಂದು ಉತ್ತರಿಸಿದ್ದಾನೆ. ಆದರೆ ಇನ್ನೊಬ್ಬ ಆರೋಪಿಯಾಗಿರುವ ಸಂಗ್ರಾಮ್ ಸಿಂಗ್ ಬಗ್ಗೆ ತಿಳಿಸಿದ್ದು, ಈ ಬಗ್ಗೆ ಯಾವುದೇ ದಾಖಲೆಗಳಿಲ್ಲ ಎಂಬ ಬಗ್ಗೆ ತೆಲಗಿ ಮಾಹಿತಿ ನೀಡಿದ್ದಾನೆ. ಹೈಕೋರ್ಟ್ ಮೇರೆಗೆ ಪುಣೆಯಿಂದ ನಗರಕ್ಕೆ ಕರೆತಂದಿದ್ದ ತೆಲಗಿಯ ಮುಂದಿನ ವಿಚಾರಣೆಯನ್ನು ಜೂನ್ 23ಕ್ಕೆ ಮುಂದೂಡಲಾಗಿದೆ.