ಗೋಲಿಬಾರ್‌ಗೆ ಕಾರಣ: ಉತ್ತರ ನೀಡದ ಸಚಿವರು   ಬೆಂಗಳೂರು, ಶುಕ್ರವಾರ, 13 ಜೂನ್ 2008( 11:50 IST )

ರಾಜ್ಯದ ಗೃಹ ಇಲಾಖೆಯ ಉಸ್ತುವಾರಿ ಹೊತ್ತಿರುವ ಗೃಹ ಸಚಿವ ವಿ.ಎಸ್ ಆಚಾರ್ಯ ಅವರಿಗೆ ಹಾವೇರಿಯಲ್ಲಿ ರೈತರ ಮೇಲೆ ನಡೆದ ಗೋಲಿಬಾರ್‌ಗೆ ಅನುಮತಿ ನೀಡಿದವರಾದರೂ ಯಾರು ಎಂಬುದೇ ತಿಳಿದಿಲ್ಲ. ಗೋಲಿಬಾರ್‌ಗೆ ಕಾರಣ ಯಾರು ಎಂದು ಸುದ್ದಿಗಾರರು ಕೇಳಿದ ಪ್ರಶ್ನೆಗೆ, ಗೋಲಿಬಾರ್ ನಡೆದ ನಂತರ ಸರ್ಕಾರ ಕೈಗೊಂಡ ಕ್ರಮಗಳ ಬಗ್ಗೆ ಹೇಳಿದರೆ ಹೊರತು ಅನುಮತಿ ನೀಡಿದ್ದು ಯಾರು ಎಂಬುದರ ಬಗ್ಗೆ ತಿಳಿಸಲೇ ಇಲ್ಲ. ಘಟನೆ ನಡೆದ 24 ಗಂಟೆಯೊಳಗಡೆ ಮುಖ್ಯಮಂತ್ರಿ ಸೇರಿದಂತೆ ಸಂಪುಟದ ಹಿರಿಯ ಸಚಿವರು ಭೆಟಿ ನೀಡಿದ್ದರು ಎಂದು ಹೇಳಿದ್ದರೆ ಹೊರತು ಕಾರಣ ತಿಳಿಸಲಿಲ್ಲ. ಹಿರಿಯ ಅಧಿಕಾರಿಯೊಬ್ಬರನ್ನು ನೇಮಿಸಿದ್ದೇವೆ. ಅವರು 10 ದಿನಗಳೊಳಗಾಗಿ ವರದಿ ನಿಡುತ್ತಾರೆ. ಆ ವರದಿ ಬಂದ ನಂತರ ಸರ್ಕಾರ ಮುಂದಿನ ಕ್ರಮ ಕೈಗೊಳ್ಳಲಿದೆ ಎಂದರು. ಆದರೆ ಕೊನೆಗೂ ಗೋಲಿಬಾರ್‌ಗೆ ಕಾರಣ ಯಾರು ಎಂಬುದರ ಬಗ್ಗೆ ಉತ್ತರ ನೀಡಲೇ ಇಲ್ಲ.