ಪರಪ್ಪನ ಅಗ್ರಹಾರದಲ್ಲಿ ಬಡಿದಾಡಿದ ಕೈದಿಗಳು   ಶುಕ್ರವಾರ, 13 ಜೂನ್ 2008( 14:05 IST )

ಬೆಂಗಳೂರು: ನಗರದ ಪರಪ್ಪನ ಅಗ್ರಹಾರದಲ್ಲಿರುವ ಕಾರಾಗೃಹದಲ್ಲಿ ಊಟದ ವಿಚಾರಕ್ಕೆ ಸಂಬಂಧಿಸಿದಂತೆ ಎರಡು ಗುಂಪಿನ ಕೈದಿಗಳ ನಡುವೆ ಘರ್ಷಣೆಯುಂಟಾಗಿದಿದ್ದು, ನಾಲ್ವರು ಗಾಯಗೊಂಡಿದ್ದಾರೆ. ಇವರನ್ನು ಕಾರಾಗೃಹ ಆಸ್ಪತ್ರೆಗೆ ಸೇರಿಸಲಾಗಿದೆ. ಮಧ್ಯಾಹ್ನ ಊಟ ಬಡಿಸುವ ವೇಳೆ ಎರಡು ಗುಂಪುಗಳ ನಡುವೆ ಘರ್ಷಣೆ ಉಂಟಾಗಿದ್ದು, ಪರಸ್ಪರ ಹೊಡೆದಾಟ ನಡೆಸಿದ್ದಾರೆ. ಇದರಿಂದ ಎರಡು ಗುಂಪಿನ ಕೈದಿಗಳಿಗೆ ಗಾಯಗಳಾಗಿವೆ ಎಂದು ಕಾರಾಗೃಹದ ಪೊಲೀಸರು ತಿಳಿಸಿದ್ದಾರೆ. ಆದರೆ ಮೇಲ್ನೊಟಕ್ಕೆ ಊಟ ವಿಷಯದಲ್ಲಿ ಘರ್ಷಣೆ ಸಂಭವಿಸಿದಂತೆ ಕಂಡರೂ, ಇದರ ಹಿಂದೆ ಬೇರೆ ಕೈವಾಡವಿರಬಹುದೆಂದು ಶಂಕಿಸಲಾಗಿದೆ. ವೈದ್ಯ ಆತ್ಮಹತ್ಯೆ ಮಂಗಳೂರಿನ ಲಾಡ್ಜೊಂದರಲ್ಲಿ ಬೆಂಗಳೂರಿನ ವೈದ್ಯರೊಬ್ಬರು ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಇವರು ಕುಟುಂಬ ಸಮೇತರಾಗಿ ಮಂಗಳೂರಿನ ಕೆಲವು ಪುಣ್ಯ ಕ್ಷೇತ್ರಗಳಿಗೆ ತೆರಳಿದ್ದು ನಂತರ ಕುಟುಂಬ ಸಮೇತ ವಿಷ ಸೇವಿಸಿದ್ದಾರೆ. ಆದರೆ ಇವರ ಪತ್ನಿ ಮಕ್ಕಳು ಸಾವಿನಿಂದ ಪಾರಾಗಿದ್ದಾರೆ. ಇವರಿಗೆ 45 ಲಕ್ಷ ರೂ. ಸಾಲವಿದ್ದು, ಇದರ ಬಾಧೆ ಸಹಿಸದೆ ಸಾವಿಗೆ ಶರಣಾಗಿದ್ದಾರೆ ಎನ್ನಲಾಗಿದೆ.