ಶಾಸಕ ರಘುಪತಿ ಭಟ್ ಪತ್ನಿ ನಾಪತ್ತೆ   ಉಡುಪಿ, ಶುಕ್ರವಾರ, 13 ಜೂನ್ 2008( 19:32 IST )

ಉಡುಪಿ ಶಾಸಕ ರಘುಪತಿ ಭಟ್ ಅವರ ಪತ್ನಿ ಪದ್ಮಪ್ರಿಯ ಅನುಮಾನಾಸ್ಪದವಾಗಿ ನಾಪತ್ತೆಯಾಗಿದ್ದಾರೆ. ಕಳೆದ ಜೂನ್ 10ರಂದು ತಾಯಿ ಮನೆಗೆ ಹೊರಟ ಅವರು ಬಳಿಕ ಸಂಪರ್ಕಕ್ಕೆ ಸಿಕ್ಕಿರಲಿಲ್ಲ. ಆದರೆ ಕಟಪಾಡಿಯ ಬಳಿ ಕುಂಜರಗಿರಿಯಲ್ಲಿ ಅವರು ಪ್ರಯಾಣಿಸುತ್ತಿದ್ದ ಕಾರು ದೊರೆಕಿದೆ. ಕಾರಿನಲ್ಲಿ ಹಣ, ಒಡವೆ, ಸಿಮ್ ಮತ್ತು ಮಾತ್ರೆಗಳು ದೊರೆತಿವೆ ಎಂದು ಪೊಲೀಸರು ತಿಳಿಸಿದ್ದಾರೆ. ಇವೆಲ್ಲವನ್ನು ಗಮನಿಸಿದರೆ ಅವರು ಅಪಹರಣಕ್ಕೊಳಗಾಗಿರಬಹುದೇ ಎಂಬ ಅನುಮಾನ ಸುತ್ತಮುತ್ತಲಿನ ಜನಕ್ಕೆ ಕಾಡತೊಡಗಿದೆ. ಕಾರಿನ ಬಳಿ ಯಾವುದೇ ಅಪಹರಣಕಾರರ ಯಾವುದೇ ಕುರುಹು ಸಿಕ್ಕಿಲ್ಲ. ಹಾಗಾಗಿ ಪದ್ಮಪ್ರಿಯ ಅವರ ಕಿಡ್ನ್ಯಾಪ್ ಆಗಿರುವ ಸಾಧ್ಯತೆ ಕಡಿಮೆ ಎನ್ನುತ್ತಾರೆ ಪೊಲೀಸರು. ಸ್ಥಳಕ್ಕೆ ಐಜಿಪಿ ಭೇಟಿ ನೀಡಿ ಪರೀಶೀಲನೆ ನಡೆಸಿದ್ದಾರೆ. ಪ್ರತಿಕ್ರಿಯೆಗೆ ಪತಿ ನಿರಾಕರಣೆ ಪದ್ಮಪ್ರಿಯ ಅವರ ಪತಿ ಉಡುಪಿ ಶಾಸಕ ರಘುಪತಿ ಭಟ್ ಯಾವುದೇ ಪ್ರತಿಕ್ರಿಯೆ ನೀಡಲು ನಿರಾಕರಿಸಿದ್ದಾರೆ.