ಶಾಸಕ ಪತ್ನಿ ಪದ್ಮಪ್ರಿಯಾ ಪತ್ತೆ   ಉಡುಪಿ, ಭಾನುವಾರ, 15 ಜೂನ್ 2008( 10:03 IST )

ಉಡುಪಿ ಶಾಸಕ ರಘುಪತಿ ಭಟ್ ಅವರ ಪತ್ನಿಯನ್ನು ಮಾಲೂರು ಬಳಿಯ ಜೈನ್ ಫಾರಂನಲ್ಲಿ ಶನಿವಾರ ಪತತ್ತೆಹಚ್ಚಲಾಗಿದ್ದು, ಶುಕ್ರವಾ ಬೆಳಕಿಗೆ ಬಂದಿದ್ ಶಾಸಕ ಪತ್ನಿ ಪದ್ಮಪ್ರಿಯಾ ಅವರ ಕಣ್ಮರೆ ಪ್ರಕರಣವು ಈ ಮೂಲಕ ಸುಖಾಂತ್ಯ ಕಂಡಿದೆ. ಕೋಲಾರ ಜಿಲ್ಲೆಯ ಮಾಲೂರಿನಲ್ಲಿರುವ ಸಂಪಗೆರೆ ಜೈನಫಾರಂಗೆ ಶನಿವಾರ ಉಡುಪಿಯಿಂದ ಆಗಮಿಸಿದ್ದ ಪೊಲೀಸ್ ವಿಶೇಷ ತಂಡವು ಪದ್ಮಪ್ರಿಯ ಅವರನ್ನು ವಶಕ್ಕೆ ತೆಗೆದುಕೊಂಡಿದ್ದು, ಪದ್ಮಪ್ರಿಯಾ ಅವರು ರವಿವಾರ ಮನೆಗೆ ತಲುಪುವ ನಿರೀಕ್ಷೆ ಇದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಪತ್ತೆಯಾದ ಸ್ಥಳದಲ್ಲಿ ನಾಲ್ಕೈದು ಮಂದಿ ಆರೋಪಿಗಳು ಪದ್ಮಪ್ರಿಯಾ ಅವರನ್ನು ಬಂಧಿಸಿಟ್ಟಿದ್ದು, ಪ್ರಕರಣಕ್ಕೆ ಸಂಬಂಧಿಸಿ ಇವರೂ ಸೇರಿದಂತೆ ಉಡುಪಿಯ ಇಂಜಿನಿಯರ್ ಅತುಲ್ ಎಂಬುವವರನ್ನು ಪೊಲೀಸರು ತನಿಖೆಗೆ ಒಳಪಡಿಸಿದ್ದಾರೆ. ಐಜಿಪಿ, ಎಸ್ಪಿ, ಇಬ್ಬರು ಜಿವೈಎಸ್ಪಿ, ನಾಲ್ವರು ಸಿಪಿಐ ಎಎನ್ಎಫ್ ಸಿಬ್ಬಂದಿಗಳಲ್ಲದೆ ಉಡುಪಿ , ಉತ್ತರ ಕನ್ನಡ, ಚಿಕ್ಕಮಗಳೂರು, ದಕ್ಷಿಣ ಕನ್ನಡ ಜಿಲ್ಲೆಗಳ ಅಪರಾಧ ವಿಬಾಗದ ಸಿಬ್ಬಂದಿಗಳು ಈ ಕಾರ್ಯದಲ್ಲಿ ತೊಡಗಿದ್ದರು.