ಬಾಂಬ್ ಅಲ್ಲ, ಅದು ಕಳವಾಗಿದ್ದ 'ಸೂಟ್‌‌ಕೇಸ್' ! ಮಂಗಳೂರು, ಸೋಮವಾರ, 28 ಜುಲೈ 2008( 16:59 IST )

ನಗರದ ಸೆಂಟ್ರಲ್ ಮಾರ್ಕೆಟ್‌‌ನಲ್ಲಿ ಸೋಮವಾರ ಬೆಳಿಗ್ಗೆ ದೊರೆತಿರುವ ಅನುಮಾನಾಸ್ಪದ ಸೂಟ್‌‌ಕೇಸ್‌ನಲ್ಲಿ ಯಾವುದೇ ಬಾಂಬ್ ಆಗಲಿ, ಸ್ಫೋಟಕ ವಸ್ತುಗಳು ಇಲ್ಲದಿರುವುದಾಗಿ ಪೊಲೀಸ್ ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ. ಬೆಂಗಳೂರು ಹಾಗೂ ಅಹಮದಾಬಾದ್‌ಗಳಲ್ಲಿ ಸರಣಿ ಬಾಂಬ್ ಸ್ಫೋಟ ಸಂಭವಿಸಿದ ಹಿನ್ನೆಲೆಯಲ್ಲಿ, ಮಂಗಳೂರಿನ ಸೆಂಟ್ರಲ್ ಮಾರ್ಕೆಟ್‌‌ನಲ್ಲಿ ಇಂದು ಬೆಳಿಗ್ಗೆ ದೊರೆತ ಸೂಟ್‌‌ಕೇಸ್‌‌ವೊಂದು ಜನರಲ್ಲಿ ಆತಂಕದ ವಾತಾವರಣ ಸೃಷ್ಟಿಸಲು ಕಾರಣವಾಗಿತ್ತು. ಕೂಡಲೇ ಪೊಲೀಸರು ಶ್ವಾನ ಹಾಗೂ ಬಾಂಬ್ ನಿಷ್ಕ್ರಿಯ ದಳದೊಂದಿಗೆ ಸ್ಥಳಕ್ಕಾಗಮಿಸಿ ಸೂಟ್‌ಕೇಸ್ ಅನ್ನು ಕೂಲಂಕಷವಾಗಿ ಪರೀಕ್ಷೆಗೆ ಒಳಪಡಿಸಿದಾಗ ಅದರಲ್ಲಿ ಏನೂ ಇಲ್ಲದಿರುವುದು ದೃಢಪಟ್ಟಿತ್ತು. ಬಳಿಕ ಈ ಬಗ್ಗೆ ಸ್ಪಷ್ಟನೆ ನೀಡಿದ ಪೊಲೀಸರು, ಇದು ನಗರದ ನಿವಾಸಿ ಜೆ.ಸಿ. ಆಳ್ವ ಅವರ ಸೂಟ್‌‌ಕೇಸ್ ಆಗಿದ್ದು, ಯಾರೋ ಕಳ್ಳತನ ಮಾಡಿದ್ದರು ಎಂದು ತಿಳಿಸಿದ್ದಾರೆ.