ಮಂತ್ರಿ ಮಂಡಲ ಪುನರಾಚನೆಗೆ ಬಿಜೆಪಿ ಬದ್ಧ: ಡಿವಿಎಸ್ ಬೆಂಗಳೂರು, ಮಂಗಳವಾರ, 29 ಜುಲೈ 2008( 10:49 IST )

NRB ಸ್ಥಿರ ಸರ್ಕಾರ ಹಾಗೂ ರಾಜ್ಯದ ಅಭಿವೃದ್ದಿಯ ದೃಷ್ಟಿಯಿಂದ ಅಗತ್ಯ ಬಿದ್ದರೆ ಮಂತ್ರಿ ಮಂಡಲ ಪುನರಾಚನೆ ಸರಕಾರ ಬದ್ಧವಾಗಿದೆ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ಡಿ.ವಿ. ಸದಾನಂದಗೌಡ ತಿಳಿಸಿದ್ದಾರೆ. ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ರಾಜ್ಯ ಸರಕಾರದ ಭವಿಷ್ಯದ ಹಿತ ದೃಷ್ಟಿಯಿಂದ ಬಿಜೆಪಿ ಸರಕಾರ ಪುನಾರಚನೆ ನಡೆಸಲು ಸಿದ್ದಗೊಂಡಿದೆ ಎಂದು ತಿಳಿಸಿದರು. ಈಗಾಗಲೇ ಮಂತ್ರಿಮಂಡಲ ಭರ್ತಿಯಾಗಿರುವುದರಿಂದ ಯಾರನ್ನಾದರೂ ಕೈ ಬಿಡುವ ಯೋಚನೆ ಇದೆಯೇ ಎಂಬ ಮಾಧ್ಯಮದವರ ಪ್ರಶ್ನೆಗೆ ಉತ್ತರಿಸಿದ ಅವರು, ಪರಿಸ್ಥಿತಿ ನೋಡಿ ಮುಂದಿನ ತೀರ್ಮಾನ ಕೈಗೊಳ್ಳಲಾಗುವುದು ಎಂದು ತಿಳಿಸಿದರು. ಇದೇ ವೇಳೆ ಮುಖ್ಯಮಂತ್ರಿ ಹಾಗೂ ತಮ್ಮ ನಡುವೆ ಭಿನ್ನಾಭಿಪ್ರಾಯವೆದ್ದಿದೆ ಎಂಬ ಮಾಧ್ಯಮದ ಹೇಳಿಕೆಯನ್ನು ತಳ್ಳಿಹಾಕಿದ ಅವರು, ನಮ್ಮಿಬ್ಬರ ನಡುವೆ ಯಾವುದೇ ಭಿನ್ನಾಭಿಪ್ರಾಯಗಳಿಲ್ಲ. ಮೊದಲಿನ ವಿಶ್ವಾಸ ಈಗಲೂ ಉಳಿದಿದೆ. ಮಂಗಳೂರಿನಿಂದ ವಿಮಾನದಲ್ಲಿ ಬರುವುದು ತಡವಾಗಿದ್ದರಿಂದ ಶಾಸಕಾಂಗ ಸಭೆಗೆ ಹಾಜರಾಗಿಲ್ಲ ಎಂದು ವಿವರಣೆ ನೀಡಿದರು.