ಬಾಂಬ್ ಸ್ಫೋಟದ ಬಳಿಕ ವದಂತಿಗಳು ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ, ಕಾಯಿನ್ ಬೂತ್ ಮಾಲೀಕರಿಗೆ ಎಚ್ಚರಿಕೆ ನೀಡುತ್ತಿದ್ದೇವೆ, ಯಾರು ನಿಮ್ಮ ಬೂತ್‌ನಿಂದ ದೂರವಾಣಿ ಕರೆ ಮಾಡುತ್ತಾರೋ ಅವರ ಹೆಸರು ಮತ್ತು ವಿಳಾಸ, ಕರೆಯ ಸಂಖ್ಯೆ ನಮೂದಿಸಿಕೊಳ್ಳುವಂತೆ ಮನವಿ ಮಾಡಿಕೊಳ್ಳುವುದಾಗಿ ಪೊಲೀಸ್ ಇಲಾಖೆ ತಿಳಿಸಿದೆ.
ಸಿಲಿಕಾನ್‌ ಸಿಟಿಯಲ್ಲಿ ಸರಣಿ ಬಾಂಬ್ ಸ್ಫೋಟ ಸಂಭವಿಸಿ ಐದು ಕಳೆಯುತ್ತಾ ಬಂದಿದ್ದರೂ ಕೂಡ, ರಾಜಧಾನಿಯಲ್ಲೀಗ ವದಂತಿಗಳದ್ದೇ ಕಾರುಬಾರು, ಇದರಿಂದಾಗಿ ಜನರು ಆತಂಕದಲ್ಲಿಯೇ ದಿನದೂಡುವಂತಾಗಿದೆ.
ಚೇಷ್ಠೆಕೋರರು ನಿರಂತರವಾಗಿ ಹುಸಿ ಕರೆ ಮಾಡಿ ಹೆದರಿಸುವಂತಹ ಘಟನೆ ಹೆಚ್ಚುತ್ತಿದ್ದು, ಜನರಲ್ಲಿ ಆತಂಕದ ಭಾವನೆ ಹುಟ್ಟುಹಾಕುತ್ತಿರುವ ಕಾರ್ಯಮಾಡುತ್ತಿರುವುದಾಗಿ ಪೊಲೀಸ್ ಇಲಾಖೆ ದೂರಿದೆ.
ಆ ನಿಟ್ಟಿನಲ್ಲಿ ಚೇಷ್ಠೆಕೋರರ ವಿರುದ್ಧ ತೀವ್ರ ನಿಗಾ ಇಡಲು ನಿರ್ಧರಿಸಿರುವುದಾಗಿ ಸಹಾಯಕ ಪೊಲೀಸ್ ವರಿಷ್ಠಾಧಿಕಾರಿ(ಲಾ ಎಂಡ್ ಆರ್ಡರ್) ಎಂ.ಆರ್.ಪೂಜಾರ್ ಸುದ್ದಿಗಾರರೊಂದಿಗೆ ಮಾತನಾಡುತ್ತ ತಿಳಿಸಿದ್ದಾರೆ.
ಹುಸಿ ಬಾಂಬ್ ಕರೆಗಳನ್ನು ಮಾಡುತ್ತಿರುವ ಚೇಷ್ಠೆಕೋರರನ್ನು ಬಂಧಿಸುವ ನಿಟ್ಟಿನಲ್ಲಿ ಇಲಾಖೆ ಕಾರ್ಯಪ್ರವೃತ್ತರಾಗಿರುವುದಾಗಿ ತಿಳಿಸಿದ ಅವರು, ಇದನ್ನು ನಾವು ಲಘುವಾಗಿ ಪರಿಗಣಿಸುವ ಪ್ರಶ್ನೆಯೇ ಇಲ್ಲ ಎಂದು ಹೇಳಿದರು.
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
