ಬಿಜೆಪಿ ನಪುಂಸಕ ಸರ್ಕಾರ: ಕುಮಾರಸ್ವಾಮಿ ಬೆಳಗಾವಿ, ಶನಿವಾರ, 27 ಸೆಪ್ಟೆಂಬರ್ 2008( 16:06 IST )

ಬಿಜೆಪಿ ರಾಜಕೀಯದಲ್ಲಿ ನಪುಂಸಕ ಸರ್ಕಾರ ಎಂದು ತೀವ್ರ ತರಾಟೆಗೆ ತೆಗೆದುಕೊಂಡಿರುವ ಮಾಜಿ ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ, ಹಳೆ ಕಾರ್ಯಕ್ರಮಗಳಿಗೆ ಹೊಸ ರೂಪವನ್ನು ನೀಡಿದೆ ಎಂದು ಆರೋಪಿಸಿದ್ದಾರೆ. ನಗರಕ್ಕೆ ಶನಿವಾರ ಭೇಟಿ ನೀಡಿದ ಸಂದರ್ಭದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಗುಲ್ಬರ್ಗಾದಲ್ಲಿ ನಡೆದಿರುವ ಸಂಪುಟ ಸಭೆ ಜನರ ಕಣ್ಣೊರಿಸುವ ತಂತ್ರವಾಗಿತ್ತೇ ವಿನಃ ಯಾವುದೇ ಅಭಿವೃದ್ಧಿ ಕಾರ್ಯಕ್ರಮಗಳನ್ನು ಕೈಗೊಳ್ಳುವಲ್ಲಿ ವಿಫಲವಾಗಿದೆ ಎಂದು ಆಪಾದಿಸಿದ್ದಾರೆ. ಹೈದರಾಬಾದ್-ಕರ್ನಾಟಕದ ಸಮಗ್ರ ಅಭಿವೃದ್ಧಿ ಕುರಿತು ಐತಿಹಾಸಿಕ ನಿರ್ಧಾರ ಕೈಗೊಳ್ಳುವಲ್ಲಿ ಸಚಿವ ಸಂಪುಟ ಸಭೆ ವಿಫಲವಾಗಿದೆ ಎಂದು ಅವರು ದೂರಿದ್ದಾರೆ. ಜೆಡಿಎಸ್ ಅಧಿಕಾರದಲ್ಲಿದ್ದಾಗ ಪ್ರಕಟಿಸಿರುವ ಅಂಶಗಳಿಗೆ ಹೊಸ ನಾಮಕರಣ ಮಾಡಿದೆ. ಅಲ್ಲದೆ, ಅಭಿವೃದ್ಧಿಯಾಗದ ಯೋಜನೆಗಳನ್ನು ಕೈಗೆತ್ತಿಕೊಳ್ಳುವ ಮೂಲಕ ಬೊಕ್ಕಸಕ್ಕೆ ಹೊರೆ ಮಾಡುತ್ತಿದೆ ಎಂದು ಅವರು ತಿಳಿಸಿದ್ದಾರೆ.