ವಿಶ್ವವಿಖ್ಯಾತ ಹಂಪಿ ಉತ್ಸವ ಲಕ್ಷಾಂತರ ಪ್ರವಾಸಿಗರನ್ನು ಆಕರ್ಷಿಸುವ ಮೂಲಕ,ಬುಧವಾರ ಅಧಿಕೃತವಾಗಿ ತೆರೆ ಎಳೆಯಲಾಯಿತು.ಪ್ರತಿದಿನ ಕನಿಷ್ಠ 3ಲಕ್ಷ ಜನ ಹಂಪಿ ಐತಿಹಾಸಿಕ ಉತ್ಸವನ್ನು ವೀಕ್ಷಿಸಿದ್ದು, ಕೊನೆಯ ದಿನವಾದ ಬುಧವಾರ ಭಾರೀ ಸಂಖ್ಯೆಯಲ್ಲಿ ಜನ ಸೇರಿದ್ದರು. ಸುಮಾರು ಹತ್ತು ಸಾವಿರಕ್ಕೂ ಅಧಿಕ ವಿದೇಶಿ ಪ್ರವಾಸಿಗರು ಭೇಟಿ ನೀಡಿರುವುದು ವಿಶೇಷವಾಗಿತ್ತು. ಈವರೆಗೆ ನಡೆದ ಉತ್ಸವಗಳಲ್ಲಿ ಸುಮಾರು ಆರು ಲಕ್ಷದವರೆಗೆ ಜನರು ಬಂದು ಹೋಗುತ್ತಿದ್ದರು. ಈ ಬಾರಿ ಆ ಸಂಖ್ಯೆ ದ್ವಿಗುಣಗೊಂಡಿದೆ. ರಾಜ್ಯ ಸರ್ಕಾರ ಬಿಡುಗಡೆ ಮಾಡಿದ 5ಕೋಟಿ ರೂ.ಬಜೆಟ್ನಲ್ಲಿ ಭಾರೀ ಏರ್ಪಾಡುಗಳನ್ನು ಮಾಡಿದ್ದು ಮತ್ತೊಂದು ಕಾರಣ.ಆದರೆ ಯೋಜಿತವಾಗಿಯೇ ನಡೆದ ಉತ್ಸವದಲ್ಲಿ ಸಂಚಾರ ವ್ಯವಸ್ಥೆ ವೈಫಲ್ಯ ಎದ್ದು ಕಂಡಿತು. ಭಾರೀ ಸಂಖ್ಯೆಯಲ್ಲಿ ಬಂದ ಜನರನ್ನು ನಿಯಂತ್ರಿಸಿ, ಸುಗಮ ಸಂಚಾರಕ್ಕೆ ವ್ಯವಸ್ಥೆ ಕೈಗೊಳ್ಳಲು ಪೊಲೀಸರು ಪ್ರಯಾಸಪಡಬೇಕಾಯಿತು. |
|