ಸರಕಾರಿ ವಸತಿಗೃಹಗಳ ಕೊರತೆಯಿಂದ ಬಾಡಿಗೆ ಮನೆಯಗಳಲ್ಲಿ ವಾಸವಿರುವ ಸಚಿವರಿಗಾಗಿ ನಗರದ ಹೆಬ್ಬಾಳದ ಬಳಿಯ ಆಗ್ರೊ ಇಂಡಸ್ಟ್ರೀಸ್ ಕಾರ್ಪೋರೇಷನಿಗೆ ಸೇರಿದ 14.22 ಎಕರೆ ಪ್ರದೇಶದಲ್ಲಿ ವಸತಿಗೃಹ ನಿರ್ಮಿಸಲು ಸರಕಾರ ನಿರ್ಧರಿಸಿದೆ.
ತಲಾ ಒಂದೊಂದು ವಸತಿ ಗೃಹ 10 ಸಾವಿರ ಚದರಡಿ ವಿಸ್ತೀರ್ಣ ಪ್ರದೇಶದಲ್ಲಿ ಐಷಾರಾಮಿ ಬಂಗಲೆಗಳು ತಲೆ ಎತ್ತಲಿದೆ. ಜತೆಗೆ ಬೃಹತ್ ಉದ್ಯಾನವನ ಹಾಗೂ ಇತರ ಸೌಲಭ್ಯಗಳನ್ನು ಕಲ್ಪಿಸುವ ಗುರಿಯನ್ನು ಹೊಂದಿರುವುದಾಗಿ ತಿಳಿಸಿದೆ.
ಸದ್ಯಕ್ಕೆ ಹೈಗ್ರೌಂಡ್ಸ್ ಹಾಗೂ ಜಯಮಹಲ್ ಸೇರಿದಂತೆ ಒಟ್ಟಿ 18 ವಸತಿಗೃಹಗಳು ಸಚಿವರ ಬಳಕೆಗಾಗಿ ಇವೆ. ಇವುಗಳಲ್ಲಿ ಕೆಲವನ್ನು ಹೈಕೋರ್ಟ್ ನ್ಯಾಯಾಧೀಶರ ವಾಸ್ತವ್ಯಕ್ಕೆ ನೀಡಲಾಗಿದೆ.
ಸಂಪುಟದ 34 ಸದಸ್ಯರಲ್ಲಿ ಅನೇಕರು ಬಾಡಿಗೆ ಮನೆಯಲ್ಲಿ ವಾಸಿಸುತ್ತಿದ್ದಾರೆ. ಸಚಿವರ ಭದ್ರತೆ ಹಾಗೂ ಒಂದೆಡೆ ಸರಕಾರಿ ವಸತಿಗೃಹಗಳನ್ನು ನಿರ್ಮಿಸವ ಉದ್ದೇಶದಿಂದ ಬಿಜೆಪಿ ಸರ್ಕಾರ ಈ ನಿರ್ಧಾರಕ್ಕೆ ಬಂದಿದೆ. ನಷ್ಟದ ಹಿನ್ನೆಲೆಯಲ್ಲಿ ಆಗ್ರೊ ಇಂಡಸ್ಟ್ರೀಸ್ ಕಾರ್ಪೋರೇಷನ್ ಮುಚ್ಚಿದೆ. ಇದನ್ನು ಸರಕಾರದ ಉದ್ದೇಶಕ್ಕೆ ಬಳಸಿಕೊಳ್ಳಲು ನಿರ್ಧರಿಸಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ