ವಂಚನೆ ಆರೋಪದ ಮೇಲೆ ಶುಕ್ರವಾರ ರಾತ್ರಿ ಸಿಸಿಬಿ ಪೊಲೀಸರಿಂದ ಬಂಧಿಸಲ್ಪಟ್ಟ ಪತ್ರಕರ್ಕ ಹಾಗೂ ಚಲನಚಿತ್ರ ನಿರ್ದೇಶಕ ಇಂದ್ರಜಿತ್ ಲಂಕೇಶ್‌ಗೆ ನ್ಯಾಯಾಲಯ ಶನಿವಾರ ಜಾಮೀನಿನ ಮೇಲೆ ಬಿಡುಗಡೆಗೊಳಿಸಿದೆ.
ಚಿತ್ರ ನಿರ್ಮಾಣ ಮಾಡಲೆಂದು ನೀಡಿದ್ದ ಹಣವನ್ನು ಲೆಕ್ಕಪತ್ರ ನೀಡದೆ ವಂಚಿಸಿದ್ದಾರೆ ಎಂದು ಆರು ತಿಂಗಳ ಹಿಂದೆ ಹಲಸೂರು ಪೊಲೀಸರಿಗೆ ಉದ್ಯಮಿ ಅಶೋಕ್ ಖೇಣಿ ದೂರು ನೀಡಿದ್ದರು. ಪೊಲೀಸ್ ಆಯುಕ್ತ ಶಂಕರ ಬಿದರಿ ಪ್ರಕರಣವನ್ನು ಸಿಸಿಬಿಗೆ ವಹಿಸಿದ್ದರು.
ಸಿಸಿಬಿ ಪೊಲೀಸ್ ಇನ್ಸ್‌‌ಪೆಕ್ಟರ್ ಅಶೋಕನ್ ಹಾಗೂ ಬಾಳೇಗೌಡ, ಇಂದ್ರಜಿತ್ ಲಂಕೇಶ್ ಅವರನ್ನು ಶುಕ್ರವಾರ ರಾತ್ರಿ ಬಂಧಿಸಿ ವಿಚಾರಣೆ ನಡೆಸಿದ್ದರು.ಈ ಪ್ರಕರಣದಲ್ಲಿ ಖೇಣಿ ನೀಡಿರುವ ದೂರಿನ ಅನ್ವಯ ಕ್ರಮ ಕೈಗೊಳ್ಳಲಾಗಿದೆ ಎಂದು ಅಪರಾಧ ವಿಭಾಗದ ಡಿಸಿಪಿ ಸಿದ್ದರಾಮಯ್ಯ ತಿಳಿಸಿದ್ದರು.
ಹಿಂದೆ ಶಾದಿ ಕೆ ಬಾದ್ ಸೈಡ್ ಎಫೆಕ್ಟ್ ಎಂಬ ಹಿಂದಿ ಚಿತ್ರ ನಿರ್ದೇಶನಕ್ಕಾಗಿ ಖೇಣಿ ಇಂದ್ರಜಿತ್‌‌ಗೆ ನೀಡಿದ್ದ 92 ಲಕ್ಷ ರೂ.ಗಳ ಎರಡು ಚೆಕ್‌‌ಗಳು ಬೌನ್ಸ್ ಆಗಿದ್ದವು. ಈ ಸಂಬಂಧ ಇಂದ್ರಜಿತ್ ಅವರು ಖೇಣಿ ವಿರುದ್ಧ ನ್ಯಾಯಾಲಯದಲ್ಲಿ ಪ್ರಕರಣ ದಾಖಲಿಸಿದ್ದು ಅದು ವಿಚಾರಣೆಯಲ್ಲಿದೆ.
| 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ