ದೊಡ್ಡಬಳ್ಳಾಪುರ ವಿಧಾನಸಭಾ ಕ್ಷೇತ್ರದ ಉಪಚುನಾವಣಾ ಅಧಿಕಾರಿಯಾಗಿದ್ದ ಶಿವಪ್ರಸಾದ್ ಅವರನ್ನು ರಾಜ್ಯ ಚುನಾವಣಾ ಆಯೋಗ ಹಿಂದೆ ಕರೆಸಿಕೊಂಡಿದೆ.
ಶಿವಪ್ರಸಾದ್ ಸಚಿವ ಈಶ್ವರಪ್ಪ ಅವರ ಅಳಿಯನಾಗಿದ್ದು, ಅವರು ಚುನಾವಣೆಯಲ್ಲಿ ನ್ಯಾಯಸಮ್ಮತ ರೀತಿಯಲ್ಲಿ ವರ್ತಿಸುವುದು ಅನುಮಾನವೆಂದು ಕಾಂಗ್ರೆಸ್ ದೂರು ನೀಡಿತ್ತು.
ದೂರನ್ನು ರಾಜ್ಯ ಚುನವಣಾ ಮುಖ್ಯ ಆಯುಕ್ತ ಎಂ.ಎನ್. ವಿದ್ಯಾಶಂಕರ್ ಕೇಂದ್ರ ಚುನಾವಣಾ ಆಯೋಗಕ್ಕೆ ರವಾನಿಸಿದ್ದರು. ಕೇಂದ್ರ ಚುನಾವಣಾ ಆಯೋಗವು ಕಾಂಗ್ರೆಸ್ ನೀಡಿದ ದೂರನ್ನು ಪರಿಗಣಿಸಿದ್ದು, ಶಿವಪ್ರಸಾದ್ ಅವರ ಬದಲಿಗೆ ಬೇರೆ ಅಧಿಕಾರಿಯನ್ನು ನಿಯೋಜಿಸುವಂತೆ ಸೂಚನೆ ನೀಡಿದೆ.
ಇಂದು ಈ ಕುರಿತು ಪೂರ್ವಭಾವಿ ಸಮಾಲೋಚನೆ ನಡೆದಿದ್ದು, ಸಂಜೆಯ ವೇಳೆಗೆ ಬದಲಿ ಅಧಿಕಾರಿಯನ್ನು ನೀಯೋಜಿಸಲು ನಿರ್ಧಸಲಾಗಿದೆ.
ಇದಲ್ಲದೆ ಮಧುಗಿರಿ ಸೇರಿದಂತೆ 13 ಜನರ ಸಬ್‌ರಿಜಿಸ್ಟ್ರಾರ್ ವರ್ಗಾವಣೆ ಕುರಿತು ಇಂದಿನ ಸಭೆಯಲ್ಲಿ ಚರ್ಚಿಸಲಾಯಿತು. ಮಧುಗಿರಿಗೆ ನೇಮಕೊಂಡಿರುವ ಸಬ್‌ರಿಜಿಸ್ಟ್ರಾರ್ ಬಸವರಾಜ್ ಪ್ರಕರಣ ಕುರಿತು ಕಂದಾಯ ಇಲಾಖೆಯಿಂದ ಮಾಹಿತಿ ಪಡೆಯಲಾಗುವುದು ಎಂದು ವಿದ್ಯಾಶಂಕರ್ ತಿಳಿಸಿರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ