ಉಪಚುನಾವಣೆ ಕರ್ತವ್ಯಕ್ಕೆ ಬಂದಿದ್ದ ಹೋಮ್ ಗಾರ್ಡ್ ಕರಡಿ ದಾಳಿಗೆ ಬಲಿಯಾಗಿರುವ ದಾರುಣ ಘಟನೆ ಮಧುಗಿರಿಯಲ್ಲಿ ನಡೆದಿದೆ. ಘಟನೆಯಲ್ಲಿ ಕೆಎಸ್ಆರ್ಟಿಸಿ ಬಸ್ ಚಾಲಕ ಕೂಡ ತೀವ್ರವಾಗಿ ಗಾಯಗೊಂಡಿರುವುದಾಗಿ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.
ಚುನಾವಣೆ ಕರ್ತವ್ಯಕ್ಕೆ ಬಂದಿದ್ದ ಹೋಂ ಗಾರ್ಡ್ ಎಂ.ಪಿ. ಮೆಳ್ಳವಳ್ಳಿ ಕರಡಿ ದಾಳಿಗೆ ಬಲಿಯಾದ ಸಿಬ್ಬಂದಿಯಾಗಿದ್ದಾರೆ. ಹಾವೇರಿಯಿಂದ ಗೃಹರಕ್ಷಕದಳದವನ್ನು ಕರೆತಂದಿದ್ದ ಕೆಎಸ್ಆರ್ಟಿಸಿ ಬಸ್ ಚಾಲಕ ಗಾಯಗೊಂಡಿದ್ದಾರೆ.
ಚುನಾವಣೆ ನಡೆಯುವ ಅಕ್ರಮ ತಡೆಯಲು ಮತ್ತು ಶಾಂತಿ ಕಾಪಾಡಲೆಂದು ಕರೆಸಿಕೊಳ್ಳಲಾಗಿದ್ದ ಸಿಬ್ಬಂದಿಗೆ ತಂಗಲು ಮಧುಗಿರಿಯ ದಂಡಿನಮಾರಮ್ಮ ದೇವಸ್ಥಾನ ಬಳಿಯ ರಿಲಯನ್ಸ್ ಪೆಟ್ರೋಲ್ ಬಂಕ್ ಸಮೀಪವಿರುವ ಹಾಸ್ಟೆಲ್‌‌ನಲ್ಲಿ ವ್ಯವಸ್ಥೆ ಮಾಡಲಾಗಿತ್ತು.
ಮೆಳ್ಳಹಳ್ಳಿ ಪ್ರಕೃತಿ ಕರೆಗಾಗಿ ಸಮೀಪದ ಹಳ್ಳದ ಬಳಿ ಹೋಗಿದ್ದಾಗ ಕರಡಿಯೊಂದು ಇವರ ಮೇಲೆ ದಾಳಿ ನಡೆಸಿದೆ. ಕರಡಿ ದಾಳಿಯಿಂದ ಹೋಂ ಗಾರ್ಡ್ ತೀವ್ರವಾಗಿ ಗಾಯಗೊಂಡಿದ್ದು, ಅವರನ್ನು ಬೆಂಗಳೂರಿನ ನಿಮ್ಹಾನ್ಸ್ ಆಸ್ಪತ್ರೆಗೆ ಸೇರಿಸಲಾಗಿತ್ತಾದರೂ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ