'ಭಾರತ ಮಾತಾಕೀ ಜೈ' ಎಂದು ಘೋಷಣೆ ಕೂಗಿ ನಮ್ಮನ್ನು ಒದ್ದು ಹಲ್ಲೆ ನಡೆಸಿ ನಮ್ಮ ಉಡುಪನ್ನು ಕಳಚಲು ಮುಂದಾದರು ಎಂದು ಪಬ್ ದಾಳಿಯಲ್ಲಿ ಹಲ್ಲೆಗೆ ಗುರಿಯಾದ ಯುವತಿಯೊಬ್ಬಳು ನೋವನ್ನು ತೋಡಿಕೊಂಡಿದ್ದಾರೆ.
ಅದೊಂದು ಕೆಟ್ಟ ಅನುಭವ. ಪಬ್‌‌ನಲ್ಲಿರುವ ಜನರ ಸಂಖ್ಯೆಗಿಂತ ದಾಳಿ ಮಾಡಿದವರ ಸಂಖ್ಯೆ ಹೆಚ್ಚಿತ್ತು. ಹಾಗಾಗಿ ನಮ್ಮ ರಕ್ಷಣೆಗೆ ಯಾರೂ ಧಾವಿಸಲಿಲ್ಲ ಎಂದು ತಿಳಿಸಿದ್ದಾರೆ. ಈ ಘಟನೆಯಿಂದ ಹಲ್ಲೆಗೊಳಗಾದ ಮಹಿಳೆಯರಾರೂ ಮನೆಯಿಂದ ಹೊರಗೆ ಬಂದಿಲ್ಲ. ಕೆಲವರಂತೂ ನಗರ ಬಿಟ್ಟು ಹೋಗಿದ್ದಾರೆ. ಅಂದು ಪಬ್‌‌ನಲ್ಲಿದ್ದ ಯುವತಿಯರ ಪೈಕಿ ಹೆಚ್ಚಿನವರು ಸ್ಥಳೀಯರೇ.
ಶ್ರೀರಾಮ ಸೇನೆಯ ಕಾರ್ಯಕರ್ತರು ಮತ್ತು ಟಿವಿ ಕ್ಯಾಮರಾ ಸಿಬ್ಬಂದಿ ಮಧ್ಯಾಹ್ನ 3.50ಕ್ಕೆ ಪಬ್ ಮುಂದೆ ಗುಂಪಾಗಿ ಸೇರಿದ್ದರು. ಪಬ್‌‌ನವ್ಯವಸ್ಥಾಪಕರನ್ನು ಹೊರಗೆ ಬರುವಂತೆ ಕರೆದರು ಎಂದು ಶೋ ನಡೆಸುವ ಸಂತೋಷ್ ತಿಳಿಸಿದರು. ಪಬ್‌‌ನೊಳಗೆ ನುಗ್ಗಿದ ಕಾರ್ಯಕರ್ತರನ್ನು ಥಳಿಸಲು ಆರಂಭಿಸಿದರು. ಅವಾಚ್ಯ ಶಬ್ದಗಳಿಂದ ನಿಂದಿಸಿದರು. ಒಳ ಹೋಗದಂತೆ ತಾವು ನೀಡಿದ ಮನವಿಗೆ ಕ್ಯಾಮರಾ ಸಿಬ್ಬಂದಿ ಒಪ್ಪಿದರೂ ಶ್ರೀರಾಮ ಸೇನೆಯ ಕಾರ್ಯಕರ್ತರು ಮಾತ್ರ ಅವರನ್ನು ಒಳಗೆ ಎಳೆದುಕೊಂಡು ಹೋದರು ಎಂದು ಘಟನೆ ಕುರಿತು ವಿವರಣೆ ನೀಡಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ