ಹಳೆಯ ವೈಷಮ್ಯ ಹಾಗೂ ಕ್ಷುಲ್ಲಕ ಕಾರಣಕ್ಕಾಗಿ ಪೇದೆಯೊಬ್ಬ ಇನ್ಸ್‌‌ಪೆಕ್ಟರ್ ಮೇಲೆ ಗುಂಡು ಹಾರಿಸಿ ಹತ್ಯೆ ಮಾಡಿ, ನಂತರ ತಾನು ಗುಂಡು ಹಾರಿಸಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ದುರ್ಘಟನೆ ಇಲ್ಲಿನ ಜಾಕಿ ಕ್ವಾರ್ಟರ್ಸ್‌ನಲ್ಲಿ ನಡೆದಿದೆ.
ಇನ್ಸ್‌‌ಪೆಕ್ಟರ್ ನಾಗೇಗೌಡ (52) ಮತ್ತು ಪೇದೆ ಶಿವಕುಮಾರ್ (33) ಸಾವನ್ನಪ್ಪಿದವರಾಗಿದ್ದಾರೆ. ಪೇದೆ ಶಿವಕುಮಾರ್ ಸೋಮವಾರ ಸಂಜೆ ಇನ್ಸ್‌‌ಪೆಕ್ಟರ್ ನಾಗೇಗೌಡರ ಬಳಿ ತಾನು ರಕ್ತಕೊಟ್ಟು ಬಂದಿದ್ದೇನೆ. ವಿಶ್ರಾಂತಿ ತೆಗೆದುಕೊಳ್ಳಲು ರಜೆ ನೀಡುವಂತೆ ಕೋರಿದ ಎನ್ನಲಾಗಿದೆ. ಆದರೆ ಇನ್ಸ್‌‌ಪೆಕ್ಟರ್ ಅದನ್ನು ನಿರಾಕರಿಸಿದಾಗ ಇಬ್ಬರ ಮದ್ಯೆ ಮಾತಿನ ಚಕಮಕಿ ನಡೆದು ಶಿವಕುಮಾರ್ ತನ್ನಲ್ಲಿದ್ದ ಗುಂಡಿನಿಂದ ನಾಗೇಗೌಡರ ಮೇಲೆ ಗುಂಡು ಹಾರಿಸಿದ. 2 ಗುಂಡು ಹೊಟ್ಟೆ ಸೀಳಿಕೊಂಡು ಹೋಗಿದೆ. ಪರಿಣಾಮವಾಗಿ ಅವರು ಮೃತಪಟ್ಟಿದ್ದಾರೆ.
ಘಟನೆ ತಿಳಿಯುತ್ತಿದ್ದಂತೆ ಸುತ್ತಲಿನ ಜನ ಪೇದೆ ಶಿವಕುಮಾರ್ ಕಡೆಗೆ ಹೋಗುತ್ತಿದ್ದಂತೆ ಗಾಬರಿಗೊಂಡ ಶಿವಕುಮಾರ್ ತಾನೂ ಗುಂಡು ಹಾರಿಸಿಕೊಂಡು ಆತ್ಮಹತ್ಯೆ ಮಾಡಿಕೊಂಡ. ಪೇದೆ ಶಿವಕುಮಾರ್ 3 ತಿಂಗಳ ಹಿಂದೆ ಅಶಿಸ್ತಿನ ಕಾರಣದಿಂದಾಗಿ ಅಮಾನತುಗೊಂಡಿದ್ದ. 8 ದಿನಗಳ ಹಿಂದೆಯಷ್ಟೇ ಮತ್ತೆ ಕರ್ತವ್ಯಕ್ಕೆ ಹಾಜರಾಗಿದ್ದ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ