ಲೋಕಸಭಾ ಚುನಾವಣೆ ಘೋಷಣೆಯಾಗಿದೆ. ಇದರೊಂದಿಗೆ ರಾಜಕೀಯ ರಂಗೇರುತ್ತಿದೆ. ಕಳೆದ ಬಾರಿಯ ವಿಧಾನಸಭಾ ಚುನಾವಣೆಯಲ್ಲಿ ರಾಜಕಾರಣಿಗಳ ಮುಖವಾಡ ತಯಾರಿಸಿ ರಾಜ್ಯಾದ್ಯಂತ ಪ್ರಸಿದ್ದಿಯಾದ ಇವೆಂಟ್ಸ್ ಹೌಸ್ ಸಂಸ್ಥೆ ಈ ಬಾರಿ ಮತ್ತೆ ಮುಖವಾಡ ತಯಾರಿಗೆ ಇಳಿದಿದೆ. ಕಳೆದ ಬಾರಿ ಸಂಸ್ಥೆಯ ಮುಖವಾಡಕ್ಕೆ ರಾಜ್ಯದ ಮೂಲೆ ಮೂಲೆಗಳಿಂದ ಭಾರೀ ಬೇಡಿಕೆ ಬಂದಿದ್ದು, ಅನೇಕ ಅಭ್ಯರ್ಥಿಗಳ ಗೆಲುವಿಗೂ ಇದು ಕಾರಣವಾಗಿರುವುದು ಸುಳ್ಳ್ಳಲ್ಲ. ಈ ಬಾರಿಯೂ ಲೋಕಸಭಾ ಚುನಾವಣೆಯಲ್ಲಿ ಮುಖವಾಡದ ಮೆರುಗನ್ನು ಪ್ರದರ್ಶಿಸುವ ಮೂಲಕ ಚುನಾವಣೆಯನ್ನು ರಂಗೇರಿಸಲು ಸಂಸ್ಥೆ ಸಿದ್ಧತೆ ನಡೆಸಿದೆ. ಕಳೆದ ಬಾರಿ ಸಂಸ್ಥೆ ರಾಜ್ಯ ವ್ಯಾಪ್ತಿಯಲ್ಲಿ ರಾಜ್ಯ ನಾಯಕರ ಮುಖವಾಡವನ್ನಷ್ಟೇ ತಯಾರಿಸಿದರೆ ಈ ಬಾರಿ ತನ್ನ ಮುಖವಾಡ ವನ್ನು ರಾಷ್ಟ್ರಮಟ್ಟದಲ್ಲಿ ವಿಸ್ತರಿಸಲು ನಿರ್ಧರಿಸಿದೆ. ಈಗಾಗಲೇ ಹೊರ ರಾಜ್ಯಗಳ ಮುಖಂಡರ ಮುಖವಾಡವನ್ನು ತಯಾರಿಸಿ ಕೊಡುವಂತೆ ಕೆಲವು ಬೇಡಿಕೆಗಳು ಕೂಡಾ ಬರುತ್ತಿವೆ ಎಂದು ಸಂಸ್ಥೆ ತಿಳಿಸಿದೆ.ಗುಜರಾತ್‌ನಲ್ಲಿ ಮುಖವಾಡದ ಮೋಡಿ ಜನರ ಮೇಲೆ ಗಾಢ ಪ್ರಭಾವ ಬೀರಿತ್ತು. ಈ ಕಲ್ಪನೆಯನ್ನು ರಾಜ್ಯದಲ್ಲಿಯೂ ಯಾಕೆ ಆರಂಭಿಸಬಾರದು ಎಂದು ಇವೆಂಟ್ಸ್ ಹೌಸ್ ಸಂಸ್ಥೆ ರಾಜ್ಯದಲ್ಲಿ ಮೊದಲ ಬಾರಿಗೆ ಮುಖವಾಡವನ್ನು ತಯಾರಿಸಿತು. ಜೊತೆಗೆ ಈ ಕಲ್ಪನೆ ಯಶಸ್ವಿಯಾಗಿದ್ದು, ರಾಷ್ಟ್ರೀಯ ಮಾಧ್ಯಮಗಳಲ್ಲಿಯೂ ಪ್ರಚಾರ ಪಡೆದಿರುವುದು ಸಂಸ್ಥೆಯ ಗರಿಮೆಗೆ ಸಾಕ್ಷಿ. ತಯಾರಿ ಹೀಗೆ: ಅಭ್ಯರ್ಥಿಗಳ ನಗುಮೊಗದ ಚಿತ್ರ ಲಭ್ಯವಾದರೆ ಕೇವಲ ಒಂದು ವಾರದ ಅವಧಿಯಲ್ಲಿ ಈ ಮುಖವಾಡಗಳನ್ನು ಸಂಸ್ಥೆ ಸಿದ್ಧಪಡಿಸಿಕೊಡಲಿದೆ. ಚುನಾವಣಾ ಆಯೋಗದ ಸ್ಪಷ್ಟ ನಿರ್ದೇಶನದ ಹಿನ್ನೆಲೆಯಲ್ಲಿ ಪ್ಲಾಸ್ಟಿಕ್ ಬದಲಿಗೆ ದಪ್ಪ ಕಾಗದವನ್ನು ಈ ಮುಖವಾಡ ತಯಾರಿಕೆಯಲ್ಲಿ ಬಳಸಲಾಗಿರುವುದು ಇದರ ವಿಶೇಷತೆ. ಇದಲ್ಲದೇ ಯಾವುದೇ ಮಾಧ್ಯಮಗಳ ಪೂರ್ಣ ಪ್ರಚಾರ ನಿರ್ವಹಣೆ, ಅಭ್ಯರ್ಥಿಗಳ ಸಾಕ್ಷ್ಯಚಿತ್ರ, ಕರಪತ್ರ ಹಾಗೂ ಇತರ ಲೇಖನ ಸಹಿತ ಮುದ್ರಣ, ವಿನ್ಯಾಸಗಳನ್ನೂ ಸಂಸ್ಥೆಯೂ ನಿರ್ವಹಿಸುತ್ತಿದೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
