ಬಿಜೆಪಿಯನ್ನು ಕೋಮುವಾದಿ ಪಕ್ಷವೆಂದು ಜರಿಯುತ್ತಿರುವ ಕಾಂಗ್ರೆಸ್ ಮತ್ತು ಜೆಡಿಎಸ್‌ಗಳಿಗೆ ಲೋಕಸಭಾ ಚುನಾವಣೆ ನಂತರ ಅಡ್ರೆಸ್ಸೇ ಇರುವುದಿಲ್ಲ ಎಂದು ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ಕಟಕಿಯಾಡಿದ್ದಾರೆ.
ಬಿಜೆಪಿಯನ್ನು ಜಾತಿವಾದಿ ಎಂದು ಕರೆದರೆ ಅದು ಇಡೀ ರಾಜ್ಯದ ಜನತೆಗೆ ಮಾಡಿದ ಅಪಮಾನವಾಗುತ್ತದೆ. ನಿಜವಾದ ಕೋಮುವಾದಿಗಳು ನೀವು- ನಾವಲ್ಲ. ಹಿಂದು, ಮುಸ್ಲಿಂ, ಕ್ರೈಸ್ತರೆಲ್ಲರೂ ಒಂದೇ ರೀತಿ ಬದುಕಬೇಕೆನ್ನುವುದು ಕೋಮುವಾದವೇ ಎಂದು ಪ್ರಶ್ನಿಸಿದರು.
ಹಿಂದಿನ ಮುಖ್ಯಮಂತ್ರಿಯಂತೆ ಸಮಾರಂಭದ ವೇದಿಕೆಗೆ ಬರುವ ಅಂಗವಿಕಲರ ಕೈಗೆ 500 ರೂ. ಕೊಟ್ಟು ಪ್ರಚಾರ ಪಡೆಯುತ್ತಿಲ್ಲ. ಹಳ್ಳಿಗಳಿಗೆ ಮಧ್ಯರಾತ್ರಿ ನಂತರ ತೆರಳಿ, ಬೆಳಗಿನ ಜಾವ ಎದ್ದು ಬರುವ ಮುಖ್ಯಮಂತ್ರಿ ನಾನಲ್ಲ. ಜನಸ್ಪಂದನದ ಮೂಲಕ ಜನರ ಮನೆ ಬಾಗಿಲಿಗೆ ಶಾಶ್ವತವಾಗಿ ಸವಲತ್ತುಗಳನ್ನು ತಲುಪಿಸಲಾಗುತ್ತಿದೆ ಎಂದರು.
ರಕ್ತದಲ್ಲಿ ಬರೆದು ಕೊಡುತ್ತೇವೆ-- ಬಿಜೆಪಿ ಬಗ್ಗೆ ನೀವಿಟ್ಟ ನಂಬಿಕೆ, ವಿಶ್ವಾಸಕ್ಕೆ ದ್ರೋಹ ಬಗೆಯುವುದಿಲ್ಲ. ರಾಜ್ಯಾದ್ಯಂತ ಎಲ್ಲೆಡೆ ಬಿಜೆಪಿ ಅಲೆ ಬೀಸುತ್ತಿದೆ. ಇಂಥ ಅಲೆಯ ನಡುವೆ ಸೋನಿಯಾ ಗಾಂಧಿ ಎದುರು ಒಗ್ಗಟ್ಟು ಪ್ರದರ್ಶಿಸಲು ಹೋಗಿ ಕಾಂಗ್ರೆಸ್ ಬಿಕ್ಕಟ್ಟಿಗೆ ಸಿಲುಕಿಗೆ ಎಂದು ಇದೇ ಸಂದರ್ಭದಲ್ಲಿ ಸೀಎಂ ಲೇವಡಿ ಮಾಡಿದರು.
| 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ