ಕಾರವಾರ: ಭೀಕರ ಅಫಘಾತಕ್ಕೆ ಸುರತ್ಕಲ್‌ನ ನಾಲ್ವರು ಬಲಿ

ಉತ್ತರ ಕನ್ನಡದ ಕಾರವಾರ ಸಮೀಪದ ಆಮ್ದಳ್ಳಿಯಲ್ಲಿ ಕಾರೊಂದು ಮರಕ್ಕೆ ಡಿಕ್ಕಿ ಹೊಡೆದ ಪರಿಣಾಮ ಸ್ಥಳದಲ್ಲೇ ಒಂದೇ ಕುಟುಂಬದ ನಾಲ್ವರು ಸಾವನ್ನಪ್ಪಿರುವ ಘಟನೆ ಬುಧವಾರ ನಡೆದಿದೆ.

ಸುರತ್ಕಲ್‌ನಿಂದ ಗೋವಾಕ್ಕೆ ತೆರಳುತ್ತಿದ್ದ ಸಂದರ್ಭದಲ್ಲಿ ಆಮ್ದಳ್ಳಿ ಬಳಿ ಈ ದುರ್ಘಟನೆ ಸಂಭವಿಸಿರುವುದಾಗಿ ತಿಳಿಸಿರುವ ಪೊಲೀಸ್ ಅಧಿಕಾರಿಗಳು, ಕಾರು ವೇಗವಾಗಿ ಚಲಿಸಿರುವುದೇ ಅಪಘಾತಕ್ಕೆ ಕಾರಣ ಎನ್ನಲಾಗಿದೆ.

ಘಟನೆಯಲ್ಲಿ ಸುರತ್ಕಲ್ ನಿವಾಸಿಗಳಾದ ರಮಾನಾಥ್ ರಾವ್, ಉಷಾರಾವ್, ಶ್ರೇಯಾ ರಾವ್ ಹಾಗೂ ಸೌಜನ್ಯ ರಾವ್ ಸ್ಥಳದಲ್ಲೇ ಮೃತಪಟ್ಟಿದ್ದು, ಗಾಯಗೊಂಡಿದ್ದ ಇಬ್ಬರನ್ನು ಕಾರವಾರ ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಲಾಗಿದೆ.