ಬೆಂಗಳೂರಿಗೆ ಬರೆ ಹಾಕಿರುವ ಅಮೆರಿಕ ಅಧ್ಯಕ್ಷ ಬರಾಕ್ ಒಬಾಮ ವಿರುದ್ಧ ಆಕ್ರೋಶಗೊಂಡಿರುವ ಅಮೆರಿಕ ಸಾಮ್ರಾಜ್ಯಶಾಹಿ ವಿರೋಧಿ ಒಕ್ಕೂಟ ನಗರದಲ್ಲಿನ ಅಮೆರಿಕ ಮೂಲದ ಕಂಪೆನಿಗೆ ಬೀಗ ಹಾಕುವ ಕಾರ್ಯಕ್ರಮವನ್ನು ಮೇ 13ರಿಂದ ಹಮ್ಮಿಕೊಂಡಿದೆ.
ಮೇ 13ರ ಬೆಳಿಗ್ಗೆ 11.30ಕ್ಕೆ ಎಂ.ಜಿ.ರಸ್ತೆಯ ಗಾಂಧಿ ಪ್ರತಿಮೆಯಿಂದ ಮೆರವಣಿಗೆ ಹೊರಟು ಬ್ಯಾಂಕ್ ಆಫ್ ಅಮೆರಿಕ ಸಿಟಿ ಬ್ಯಾಂಕ್, ಕೋಕಕೋಲಾ, ಮೋಟ್ರೋಲಾ ಹಾಗೂ ಪೆಪ್ಸಿಕೋಲಾ ಕಂಪೆನಿಗಳ ವಿರುದ್ಧ ಹೋರಾಟ ನಡೆಸಿ ಬೀಗ ಹಾಕುವುದಾಗಿ ಒಕ್ಕೂಟದ ಸಂಚಾಲಕ ಮಲ್ಲೇಶ್ ಸುದ್ದಿಗಾರರೊಂದಿಗೆ ಮಾತನಾಡುತ್ತ ತಿಳಿಸಿದರು.
ಗ್ಯಾಟ್ ಒಪ್ಪಂದಕ್ಕೆ ಸಹಿ ಹಾಕಿ ಎಂದು ಕೂಗೆಬ್ಬಿಸುತ್ತಿರುವ ಅಮೆರಿಕ ಭಾರತಕ್ಕೆ ಬರುತ್ತಿರುವ ಹೊರಗುತ್ತಿಗೆ ಕೆಲಸದ ಮೇಲೆ ನಿಯಂತ್ರಣ ಹೇರುವ ಮೂಲಕ ಫ್ಯಾಸಿಸ್ಟ್ ಧೋರಣೆ ಅನುಸರಿಸುತ್ತಿರುವುದು ಖಂಡನೀಯ ಎಂದರು. |